NORSKIR SIGRAR Á BRIDGEHÁTÍÐ

mánudagur, 19. febrúar 2007

Norðmenn voru áberandi í verðlaunasætum Bridgehátíðar, bæði í tvímenningnum og sveitakeppninni. Jan Petter Svendsen og Erik Sælensminde náu þeim sjaldgæfa áfanga að fagna sigri í báðum keppnum. Keppnin um efsta sætið var jöfn og skemmtileg og skiptust mörg pör um að verma toppsætið sem kom í lokin í hlut Norðmannanna. Ásmundur Pálsson sýndi það og sannaði að hár aldur er honum lítt til trafala við græna borðið, því hann náði öðru sætinu með Guðmundi Páli Arnarssyni.  Lokastaða efstu para varð þannig:

1. Jan Petter Svendsen - Erik Sælensminde                                 57,60%
2. Ásmundur Pálsson - Guðmundur Páll Arnarson                         56,68%
3. Andrew McIntosh - Graham Orsmond                                       56,55%
4. Bjarni H. Einarsson - Sigurbjörn Haraldsson                             56,47%
5. George Mittelman - Arno Hobart                                              55,71%
6. P.G. Eliasson - P.O. Sundelin                                                   55,36%
7. Ómar Olgeirson - Kristján Blöndal                                            55,26%

Norska sveitin Hauge náði að landa sigri í sveitakeppninni eftir æsispennandi toppbaráttu. Spilarar í þeirri sveit voru Rune Hauge, Tor Helness, Jan Petter Svendsen og Erik Sælensminde. Athygli vekur þó hvað sveitakeppnin vinnst á lágu skori, algengt er að sveitin í efsta sæti endi með um eða yfir 200 stig. Skorið sýnir hins vegar glögglega hve keppnin var hörð um fyrsta sætið. Lokastaða efstu sveita varð þannig:

1. Hauge                                                                 189
2. Team Griffin                                                        184
3. Eykt                                                                    183
4. Young Guns II                                                     179
5. Quantum                                                             177
6. Sölufélag garðyrkjumanna                                  175