GLÆSILEGUR ÁRANGUR ÍSLENDINGA Á HAWAÍ
Íslensku landsliðsspilararnir Jón Baldursson, Þorlákur Jónsson, Sigurbjörn Haraldsson og Bjarni H. Einarsson náðu þeim glæsilega árangri að fagna sigri á Hawaí í Swiss Teams sveitakeppni sem þeir tóku þátt í. Með þeim í sveitinni voru Hjördís Eyþórsdóttir og Tony Kasday.
Íslenska sveitin(Kasday) byrjaði ekki vel, tapaði fyrstu tveimur leikjum sínum en gaf þá í svo um munaði. Í sjöundu umferð vannst stórsigur, 20-0 á sveit Lynch (Carol Lynch, Mike Passell, Eddie Wold, Dennis Dawson, Larry Cohen, David
Berkowitz) sem hafði verið í forystu. Fyrir lokaumferðina var sveit Lynch með 112 stig og Kasday með 111,67 en íslenska sveitin gerði sér lítið fyrir og vann 17-3 sigur á meðan Lynch tapaði 6-14 í síðustu umferðinni. Kasday endaði því á toppnum með 128, Lynch með 118 og Mahaffey 114 stig.
