Bill Hughes Pairs (Alheimstvímmenningur)
Kæru félagar.
Föstudaginn 30. júní kl. 19:00 ætlum við að eiga góða stund í Síðumúlanum í anda föstudagsbridge sem við spiluðum mörg árum saman. Spilaður verður alheimstvímenningur og miðnætursveitakeppni í framhaldinu fyrir þá sem vilja.
Við ætlum að bjóða upp á veglegar veitingar og því þarf fólk að skrá sig (við þurfum að vita hversu margar smurbrauðstertur þarf að útbúa - mæjónesið klikkar ekki). Léttir drykkir og kaffi verða til sölu í sjoppunni.
Vinningarnir verða ekki af lakara taginu s.s. gisting í þrjár nætur í tveggja manna herbergi á Siglo Hotel, 3ja rétta veislu kvöldverður á Siglunes Hótel fyrir tvo og bíómiðar svo fátt eitt sé nefnt. Veitt verða verðlaun fyrir efstu sætin auk þess sem dregið verður um fjölda aukavinninga.
Keppnisgjald í tvímenninginn er 1500 kr. Aðalatriðið er að koma saman og skemmta sér í góðra vina hópi. Hægt að melda þátttöku í svar þræði hér að neðan og í bridgesambandinu á mánudagskvöld.
Stuðkveðja,
Ingólfur Þór Hlynsson, Birkir Jón
og Sveinn Runar Eiriksson
Skráning hér
Til að sjá skráningu þá hér
