Rangæingar -- Fisksalinn kominn í höfn með hlaðinn bát
Nú er sveitakeppni félagsins lokið með glæsilegum sigri Fisksalanna fisléttu. Í lokaumferðinni mættust Fisksalinn og Presturinn. Prestakallarnir héldu vel við fram að predikun og munaði einungis 3 impum í hálfleik og allt gat gerst. En eftir predikun tók Fisksalinn öll völd og sendi Prestinn niður í fjórða sætið og þaðan heim með kæst ýsuþunnildi í kvöldmatinn.
Á meðan tók Bóndinn saman ilmandi töðu af engjum Formannsins, og lét honum eftir 4,09 stig í þakklætisskyni. Þar með endaði Bóndinn í 2. sæti mótsins.
Í miðjumoðinu áttust við Slátrarinn og Hestamaðurinn. Slátrarinn tók Hestamanninn og fláði af honum 14,16 stig og kom sér þannig í 3. sætið.
Fisksalinn sótti því 102,52 stig á fengsæl mið sveitakeppninnar, með Sýslumannsfrúna í stýrimannssætinu og messaguttann Sigurjón í eldhúsinu. Í öðru sæti varð Bóndinn með 88,68 stig og slátrarinn kom 3. með 78,94 stig.
Besta butler mótsins áttu Fisksalinn og fisksaladrengurinn með 0,812 impa að meðaltali. Næst besta butlerinn áttu Slátrarinn sjálfur og brýningadrengurinn með 0,615 og þriðja besta Hestamaðurinn Björn, ástamt hestadrengjunum íturvöxnu Eyþóri, Magga og Garðari, 0,527.
