Rangæingar -- Hrunamenn heimsóttir

Rangæingar og Hrunamenn hafa um árabil mæst við bridgeborðið í nóvembermánuði og reynt með sé í íþróttinni.  Rangæingar hafa heldur haft undirtökin síðustu ár og hefur farandbikarinn því haft vetursetu í Rangárþingi.

Í gærkvöldi öxluðu Rangæingar spil sín og sagnbakka og skunduðu á Flúðir.   13 pör lögðu af stað úr Rangárþingi og hittu fyrir 13 pör Hrunamanna.    Í stað hefðbundinnar sveitakeppni var nú bryddað upp á þeirri nýjung að spila tvímenning þar sem 16 eftstu sætin gáfu stig inn í keppni félaganna, þannig að fyrsta sætið gaf 16 stig, annað sætið 15, það þriðja 14 og svo koll af kolli niður í 16. sætið sem gaf 1 stig.

Leikar fóru þannig að Rangæingar skoruðu 99 stig en Hrunamenn 37.   Úrslit tvímenningsins og spilin má sjá hér

Við Rangæingar þökkum kærlega fyrir góðar móttökur og skemmtilega keppni.