Bridgefélag Selfoss: Úrslit úr aðalfundartvímenningnum

Föstudaginn 27. september sl. var haldinn aðalfundur Bridgefélags Selfoss. Er skemst frá því að segja að stjórnin var öll endurkjörin, og skipa því áfram þeir Garðar Garðarsson formaður, Kristján Már Gunnnarsson gjaldkeri, Guðmundur Þór Gunnarsson ritari, Björn Snorrason varaformaður og þeir Brynjólfur Gestsson og Ríkharður Sverrisson meðstjórnendur.

Að loknum aðalfundarstörfum og verðlaunaafhendingu fór fram 11 para tvímenningur með 2 spilum á milli para. Úrslitin urðu þau að Kristján Már Gunnarsson og Þröstur Árnason unnu með 60,0% skor. Í öðru sæti urðu Gísli Þórarinsson og Sigurður Vilhjálmsson með 55,0% skor og í þriðja sæti urðu Brynjólfur Gestsson og Anton Hartmannsson með 54,4% skor. Annars má sjá öll úrslit á þessari síðu hér.

Á fimmtudaginn 3. október hefst 3 kvölda tvímenningur sem heitir Suðurgarðsmótið. Tvö bestu kvöldin gilda til lokastöðu. Skráning fer fram hér á netinu.