Rangæíngar -- Sláttur á slátraranum

Slátrarinn og bankastjórinn tóku sig loks saman í andlitinu og lönduðu sannfærandi sigri í eins kvölds Barómeter sem spilaður var þriðjudaginn 5. mars.   Til leiks mættu 16 pör og var spilaður 28 spila mondrad með 4 spilum milli para.   Drengirnir náðu 67,6% skori en prestakallarnir, Kristján framsóknarforkólfur og Halldór, fyrrverandi sjálfstæðismaður, urðu í 2. sæti með 60,2% skor.   Í 3. sæti urðu svo síkátir Selfyssingar, þeir Karl Björnsson og Símon Sveinsson, með 57,4% skor.   

Votleg verðlaun voru veitt og var innihaldi tveggja bjórkassa dreift vítt og breitt um stigatöfluna.

 Úrslitin og spilin má sjá hér

Nk. þriðjudag hefst svo 5 kvölda aðaltvímenningur félagsins, SAMVERKS-tvímenningurinn.   Ekki er nauðsynlegt að mæta öll kvöldin en til að vera löggildir í keppninni þurfa menn að spila öll kvöldin.   En hægt er að vera með kvöld og kvöld, ef fólk hefur ekki tök á að spila öll kvöldin.   Allir velkomnir....alltaf!

Eins kvölds hlé verður þó gert á aðaltvímenningnum þann 25. mars, þriðjudaginn fyrir páska, en þá spilum við eins kvölds páskabarómeter, Krappabarómeterinn, með páskaeggjaverðlaunum.