KEA-hangikjötstvímenningur

Síðasta spilakvöld Bridgefélags Akureyrar fyrir jól var að venju eins kvölds tvímenningur með KEA-hangikjöt og reyktan magál í verðlaun. Í upphafi var afmælissöngurinn sunginn af krafti fyrir Frímann Stefáns sem bauð upp á jólasmábrauð í tilefni dagsins. Ekki fékk afmælisbarnið þó nógu marga toppa í staðinn til að hreppa kjötmeti. Röð efstu para var þessi þegar upp var staðið:

1. Pétur Guðjónsson - Jónas Róbertsson 42
2. Hermann Huijbens - Stefán Vilhjálmsson 16
3. Jón Sverrisson - Ragnheiður Haraldsdóttir 14
4.-5.  Árni Bjarnason - Ævar Ármannsson 12
4.-5. Frímann Stefánsson - Reynir Helgsaon 12

Bridgefélag Akureyrar sendir öllum bridgespilurum bestu jóla- og nýársóskir.
Minnt er á Glitnismótið sem fer fram laugardaginn 29. des. á Hótel KEA og hefst kl. 10. Spilaður verður Monrad-tvímenningur. Glæsileg flugeldaverðlaun fyrir efstu sætin og einnig dregið um verðlaun. Nánari upplýsingar veitir Víðir, gsm 897 7628.