Rangæingar -- Ertu þá farinn?

Sl. þriðjudag skunduðum við Rangæingar á þingvöll okkar að Heimalandi og treystum þar vor heit.  11 pör settust að spilum í 2. umferð Samverkstvímenningsins.

"Já, ég er þá farinn til Færeyja og ætla að gera garðinn frægan þar.  Löngu orðið tímabært að kynna færni mína erlendis" sagði brúnaléttur bílstjórinn kampakátur að leikslokum.  Með kvótakónginn sér til aðstoðar unnu þeir kvöldið næsta örugglega með 64,2% skor.  "Þetta skor er tæplega til útflutnings, verð betri í Færeyjum um helgina" bætti bílstjórinn hugsi við.

Næstir komu Suðurlandsmeistararnir með 56,7% skor.   "Sat fastur í skyrinu og varð seinn fyrir" muldraði Eyþór.

Þriðju inn urðu svo klerkarnir.  "Því Stjáni er kominn heim" sönglaði klerkurinn en eins og menn vita hefur meðhjálparinn lokið afplánun sinni á norðanverðu Snæfellsnesi.   Þeir dáðadrengir hafa líka spilað vel eftir heimkomuna, í gær var skorið 55,4%.

Úrslit og spil má sjá hér

Staðan í Samverkstvímenningnum eftir  2 kvöld af 5 er svo hér.