Óli Steina og Ísak Örn efstir eftir fyrsta kvöld í Aðaltvímenningi BK
fimmtudagur, 6. febrúar 2020
Fyrsta kvöldið af fjórum í Aðaltvímenningi Bridgefélags Kópavogs var spilað í kvöld. 24 pör mættu og spiluðu fyrstu 6 umferðirnar með 5 spilum í umferð. Efstir eftir þetta fyrsta kvöld eru Ólafur Steinason og Ísak Örn Sigurðsson (leysti Hela Boga af) með 386 stig eða 58,5% skor. Næst koma Björk Jónsdóttir og Jón Sigurbjörnsson með 385 stig.
