Rangæingar -- Úrslit í jólamóti

Jólamót Bridgefélags Rangæinga var haldið í Hvolnum á Hvolsvelli þann 28. desember.  Til leiks mættu 16 pör og spiluð voru 44 spil.

Hart var barist sem fyrrum hér í Rangárþingi en það fór eins fyrir okkur heimamönnum og Gunnari og Njáli forðum.  Vorum ofurliði bornir af aðkomumönnum.

Sigurvegarar urðu Billi og Sigurður Björgvin með 58,4% skor.  "Engin tíðindi, vanur að vinna þetta mót" sagði Billi.   Næstir inn urðu Garðar og Sigfinnur með 55,9% skor.   Þriðju í mark, á bara góðum tíma eftir aldri, Björn bóndi og Þröstur með 54,4% skor.

Veitt voru myndarleg verðlaun fyrir 4 efstu sætin og restin af þátttakendum var svo dregin úr skorkortum, svo allir fengu eitthvað.   Að góðum sveitasið var allt það besta sem til var í búrinu dregið fram í tilefni af gestakomunni.  Vel var því veitt af kræsingunum í leikhléi.  

Úrslit og spil má sjá hér