Rangæingar - Hér fiskast

Sl. þriðjudag máttum við Rangæingar koma heim á Heimaland og vorum ekki hafðir úti eins og þriðjudagskvöldið áður, þegar við leituðum skjóls í Gunnarshólma.    Mætingin er að glæðast og vantar nú helst fallega fólkið, hinir eru að mestu komnir.   Til leiks mættu 9 pör.

"Já, eðlilegt. Ég hef alltaf fiskað vel ef ég fer bara austur fyrir Vestmannaeyjar" glumdi í Gísla trillukarli, þegar hann leit yfir úrsltin.  "Dró einu sinni rúm tvö tonn í kantinum austan við Eyjar, á handsnúna rúllu og snærisspotta sem einhver hafði gleymt um borð.   Þurfti ekkert meir".  Kvótakóngarnir drógu líka vel á Heimalandi, vigtaði 68,1% hjá þeim.   

Næstir inn komu fimleikastjörnurnar Bjössi og Eyþór, með 52,8% skor.   Jafnir þeim en með tapaða innbyrðis viðureign komu svo Selfyssingarnir Garðar og Billi.   "Við ætluðum sko að koma síðast" upplýsti Billi.   "En ég asnaðist til að láta drenginn keyra.   Mér rann í brjóst  í framsætinu og vaknaði ekki fyrr en við vorum komnir upp á Flúðir.  Heldurðu ekki að náttblindur drengurinn hafi í ógáti beygt upp Skeiðin!  En það vildi okkur þó til happs að þeir spila líka á Flúðum á þriðjudögum, svo við spiluðum bara þar.  En ég held að ég láti hann ekki keyra aftur".

Úrslit og spil má sjá hér