Esther og Anna Þóra unnu Hausttvímenning BK
fimmtudagur, 27. september 2018
Hausttvímenningi Bridgefélags Kópavogs lauk nú í kvöld með sigri mæðgnanna Estherar Jakobsdóttur og Önnu Þóru Jónsdóttur. Þær fengu 115 stig sem er samanlögð prósentuskor úr tveimur kvöldum. Besta skori kvöldsins náðu hins vegar Ómar Óskarsson og Guðlaugur Bessason en það dugði þeim ekki til verðlaunasætis samanlagt.
Næsta fimmtudag byrjar svo þriggja kvölda butlertvímenningur og eru allir velkomnir. Spilað er í Gjábakka, Fannborg 8, á bak við Landsbankann við Hamraborg. Byrjað kl. 19:00
