Hrunamenn -- Dansað inn í tækniöldina
miðvikudagur, 1. október 2014
Ekki er vitað hvort dansað var í Hruna þriðjudagskvöldið 30/9 sl. Hins vegar hittust Hrunamenn í félagsheimilinu á Flúðum þetta kvöld og dönsuðu inn í tækniöldina þegar vetrarstarf félagsins hófst með eins kvölds upphitunar- og tækniinnleiðingartvímenning.
Félagið hefur nú búist nýmóðins tækjum og tólum og eru nú allir útreikningar rafrænir og búið að henda pennanum sem lengi var þarfasti þjónninn við útreikning úrslita.
13 pör mættu til leiks og spiluðu 24 spil með Monrad fyrirkomulagi.
Úrslit kvöldsins og spil má svo sjá hér.
