BH: Halldór Úlfar og Hermann eru Butlerkóngar BH 2012!
Halldór Úlfar Halldórsson og Hermann Friðriksson unnu 2ja kvölda Butler tvímenning BH. Þeir enduðu með 95,2 impa í plús sem var tæpa 26 impa á undan næsta pari. Páll Þórsson og Stefán Stefánsson/Ómar Olgeirsson enduðu í 2. sæti með 69,5 impa í plús. Þrátt fyrir að vera með 79,5 impa í plús síðasta kvöldið þá náðu þeir ekki að næla sér í 1. sætið. 3. sætið féll í hlut Guðbrands Sigurbergssonar og Friðþjófs Einarssonar.
Dregin voru út 3 páskaegg fyrir fyrstu slemmuna sem sem stóð, fyrsta bút doblaðan staðinn og hæstu töluna eftir að hafa doblað andstæðinginn. Þessi aukaverðlaun féllu í skaut Maríu Haraldsdóttur og Sverris Þórissonar (slemman) , Hulda Hjálmarsdóttir og Unnar Atli Guðmundsson (bútur doblaður) og Kristínar Þórarinsdóttir og Óðinn Þórarinsson (+1400).
