Akureyrarmeistarar í sveitakeppni 2010
Eftir 5 kvölda baráttu er ljóst hverjir eru Akureyrarmeistarar í sveitakeppni 2010.
Í síðasta leik áttu tvær sveitir möguleika en þær áttu innbyrðisleik og aðeins munaði tveimur stigum. Það fór svo að sveit Stefáns Vilhjálmssonar tapaði 8-22 fyrir sveit Þórólfs Jónasonar sem þar með urðu Akureyrarmeistarar!
Í 3. sæti varð svo sveit Oldboys með Pétur Guðjónsson fyrirliða.
Í sveit Þórólfs léku auk hans Guðmundur Halldórsson, Sigurbjörn Haraldsson og Magnús E. Magnússon og er þeim óskað kærlega til hamingju með árangurinn.
Butlerkóngar eru Bessi og Maggi með +1,73 impa að meðaltali í spili sem er harla gott.
Hér er svo heildarstaðan og butlerinn
Næstu mót eru eins kvölds einmenningur 16.febrúar og svo hefst tveggja kvölda Góutvímenningur. Minnt er einnig á Svæðamót NEy í tvímenningi næstkomandi sunnudag.
