Miðvikudagsklúbburinn: Hulda og Halldór efst af 26 pörum!
fimmtudagur, 22. október 2009
Hulda Hjálmarsdóttir og Halldór Þorvaldsson unnu 26 para tvímenning með glæsilegu skori, 67.9%. Þau fengu að verðlaunum bókaverðlaun frá Guðmundi Páli Arnarsyni. Eðvarð Hallgrímsson og Magnús Sverrisson urðu í 2. sæti með 57.9% og Sigrún Þorvarðardóttir og Sigríður Friðriksdóttir voru í 3ja sæti með 57.3%.
Þegar að 26 pör eða fleiri mæta til leiks ætlar Miðvikudagsklúbburinn að draga út eitt par sem fær bókaverðlaun frá Guðmundi Páli Arnarsyni. Að þessu sinni voru Guðlaugur Sveinsson og Guðrún Jörgensen dregin út.
