Bridgemót á Vestfjörðum

Sterkar bridskonur í heimsókn

Átta sterkar bridskonur frá höfuðborgarsvæðinu komu til Suðureyrar í dag til að spila við heimamenn. Árum saman hafa konurnar farið erlendis til að spila en ákváðu að heimsækja Vestfirði í ár. Á föstudagskvöld verða þær meðal keppenda á opnu móti í tvímenningi sem fram fer á Þingeyri. Mótið hefst kl. 19:30 og eru bridsspilarar hvattir til að mæta. Á laugardag verður síðan haldið lokað mót á veitingahúsinu Talisman á Suðureyri. Þar munu konurnar heyja einvígi við Vestfirðinga.