Björn í stuði
miðvikudagur, 20. febrúar 2008
Á fyrsta spilakvöldinu af þremur í Akureyrarmótinu í einmenning náði Björn Þorláksson langbesta skori eða 65,0%. Næstur var Stefán Sveinbjörnsson með 55,6% og í 3.-5. sæti með 53,3% skor urðu Helgi Steinsson, Sigfús Aðalsteinsson og Una Sveinsdóttir. Samanlagður árangur tveggja kvölda gildir í mótinu. Næsta einmenningskvöld er 23. mars en næst á dagskrá B.A. er tveggja kvölda Heilsuhornstvímenningur. Heilsuhornið á Glerártorgi veitir verðlaun í formi vöruúttektar. Spilamennska hefst í Lionssalnum Ánni, Skipagötu 14, 4. hæð kl. 19:30 og spilarar eru beðnir að mæta tímanlega þann 26.2. til skráningar.
Stjórn B.A. minnir á sunnudagsbridge á sama stað kl. 19:30. Spilaður er eins kvölds tvímenningur og allir hjartanlega velkomnir.
