Northern Lights Bridge Festival September 2022

Northern Lights
Bridge Festival
September 2022

Memorial tournament for
Gunnar Birgisson

Teams and pairs event with great prizes
Held from 2nd to 4th of September 2022

https://vikingbridge.is

Stjórnarfundur 27.maí

mánudagur, 10. ágúst 2020

Fundargerð stjórnarfundar Bridgesambands Íslands                             27.maí 2020 - kl. 17:30.

Mætt eru Jafet,  Gunnar Björn, Ingimundur, Sigurður Páll, Denna, Pétur, Sunna og Ólöf.

  • 1. Fundargerð síðasta fundar. Jafet setti fundinn. Fundargerð síðasta fundar var send út og er á vefnum.

  • 2. Íslandsmótin. Samþykkt að spila undanrásir og úrslit dagana 3.-6. September. Nánari útfærsla verður í höndum mótanefndar. Íslandsmótið í tvímenningi og Íslandsmót kvenna í sveitakeppni verða ekki spiluð í ár.

  • 3. Kjördæmamótið. Mótið fellur niður í ár. Væntanlega verður það spilað á Akureyri í maí 2021.

  • 4. Krakkabridge. Ákveðið að bjóða upp á 2 vikna námskeið um mánaðarmótin júní - júlí. Auglýst verður í dagblaði og á Facebook sem og víðar.

  • 5. Landsliðsmál. Opni flokkurinn hefur verið að spila á netinu og meðal annars við sveit Zimmermans. Í júníbyrjun tekur liðið þátt í sterku netmóti.

  • 6. Fjármál. Menntamálaráðuneytið var að útdeila peningum á íþróttahreyfinguna en skák og bridge fengu ekkert í sinn hlut. Erindi sem sent var borginni út af styrk vegna bridgehátíðar virðist hafa týnst í kerfinu, amk bólar ekkert á svari.

  • 7. Önnur mál. Jafet hefur verið í sambandi við nokkrar stórsveitir um að mæta á Bridgehátíðina 2021, Vetrarleikarnir eru seinna á dagskránni og því meira rúm fyrir spilara að koma hingað líka.

Gólfið á karlasalerninu var sýruþvegið í tvígang, nú er öðruvísi lykt þar en ljóst að meiri aðgerða er þörf.  Eins þarfnast ofnakerfið eihvers viðhalds.  Annað hvort er kalt eða funheitt í salakynnunum.  

Næsti fundur áætlaður 19.ágúst.

Fundi slitið um 18:25.