3. apríl 2002

Kostnaður vegna breytinga á Síðumúla 37 er rúmar 19. mílljónir sem er u.þ.b. 4 milljónum umfram áætlanir. Munurinn liggur aðallega í kostnaði vegna breytinga á raflögnum og nýrri loftaklæðningu og einangrun að kröfu Brunaeftirlits, en ekki var gert ráð fyrir þessum liðum í kostnaðaráætlun.

Greiðslu á styrk frá ríkissjóði verður dreift yfir allt árið, sem gerir okkur erfiðara fyrir í fjármálunum en búist var við.

Getraunadeildin okkar fékk góðan glaðning frá Getraunum á dögunum og höfum við fengið á aðra milljón frá tippurunum á árinu. Forsvarsmönnum Getraunadeildarinnar eru þökkuð góð og gjöful störf.

Sýning UMFÍ í maíbyrjun. Birkir og Sveinn Rúnar vinna að undirbúningi. Birkir verður í forsvari.

Mörgum þótti þröngt og hljóðbært í úrslitum sveitakeppninnar, en sýningaraðstaðan var góð.
Hægt er að fá anddyrið í Fjölbrautarskólanum í Ármúla fyrir tvímenninginn og hugsanlega góðan sal í Hlíðarsmára.
Það fer eftir þátttöku hvort hægt verður að spila undanúrslitin í okkar húsnæði. Ákveðið að auglýsa skráningarfrest í undanúrslitin þriðjudaginn 23.apríl og spila í Síðumúlanum ef þátttaka er minni en 62 pör, en spila úrslitin annarsstaðar.

Samþykkt að sækja um vínveitingaleyfi.

Samþykkt að bjóða út spilamennskuna, en þrif og veitingarekstur verður í höndum BSÍ. Tilboðum skal skilað fyrir kl. 16.00 þann 24.apríl nk.

Ákveðið að halda næsta fund míðvikudaginn 10.apríl kl. 17.30
Fundi slitið kl. 19.00