12. júní 1996

Lögum samkvæmt ber að halda þing BSÍ þriðja sunnudag í október ár hvert, eða 20. okt. nk.

Kristján Kristjánsson vildi kanna þann möguleika að fresta þinginu fram til 9. nóv. vegna ÓL á Ródos, sem fram fer 19. okt til 2. nóv.

* Ragnar Magnússon lagði fram tillögu mótanefndar að tímasetningu móta á næsta keppnisári. Verður skráin send félögum til kynningar á næstu dögum.

* Keppnisgjöld verða óbreytt á næsta keppnistímabili frá því sem var 1995-96.

* Skipuð var nefnd þriggja stjórnarmanna til að skila tillögum um beytt fyrirkomulag Íslandsmótsins í tvímenningi. Í nefndinni sitja: Guðm. Sv. Hermannsson, Guðm. Páll Arnarson og Ragnar Magnússon.

A&P lögmenn hafa tekið að sér "innheimtu" á meintri skuld BSÍ vegna yfirbyggingar göngugötunnar í Mjódd. Á fundinum var lagt fram bréf frá A&P lögmönnum, þar sem skorað er á BSÍ að greiða meinta skuld, ella megi búast við málsókn. Björgvin Þorsteinsson, lögfræðingur BSÍ í þessu máli, mun svara erindi A&P lögmanna.

Kjördæmakeppnin er ung keppni og enn í mótum. Fram hafa komið óskir um að spila mótið í einni deild og einfalda reglur um þátttökurétt. Var Ólafi Steinasyni falið að gera tillögu að nýrri reglugerð um mótið.

Lagt var fram bréf frá Steingrími Gauti Péturssyni, kerfisfræðingi, þar sem hann skorar á BSÍ að koma upp heimasíðu á veraldarvefnum (Internetinu). Þar gætu verið ýmsar upplýsingar, sem koma bridsmönnum að góðu gagni: úrslit móta, myndir, auglýsingar um mót, mótaskrá, tölvupóstur, þátttökutilkynningar í mót og magt fleira. Sambandið á þegar tölvubúnað sem dugir og er kostnaður við uppsetningu í lágmarki. Var samþykkt að fela Steingrími að koma síðunni upp hið fyrsta.