13. mars 1996

miðvikudagur, 13. mars 1996

Stjórnarfundur BSÍ 13. mars 1996

Mættir á fundinn:

1. Göngugata.

Lögð fram skýrsla Björgvins Þorsteinssonar hrl. um stöðu BSÍ vegna yfirbyggingu göngugötunnar í Mjódd. Björgvin metur það svo að BSÍ sé í fullum rétti að neita að taka þátt í kostnaði af framkvæmdunum. Stjórnin samþykkti að fela framkvæmdastjóra að koma á fundi með öðrum húseigendum í Þönglabakka 1, sem fyrsta skrefi til að ljúka þessu máli.


2. Landsliðsmál.

* Lagt fram bréf frá Birni Eysteinssyni, landsliðsfyrirliða opna flokksins. Í bréfinu varpar Björn fram þeirri hugmynd að fá Kanadamanninn Eric O. Kokish til landsins í ágúst nk. Auk þess að vera spilari og bridshöfundur á heimsmælikvarða, er Kokish einn kunnasti þjálfari heims og hefur haldið námskeið fyrir landslið þekktra bridsþjóða. Björn telur að 5-6 daga námskeið Kokish geti nýst landsliðum í öllum flokkum. Var samþykkt að fela Birni að ganga til samninga við Kokish.

* Ragnar Magnússon bar upp tillögu um að setja á laggirnar formlegt B-landslið í opna flokknum, sem hefði ákveðin verkefni að leysa á hverju ári. Stjórninni leist vel á hugmyndina og var ákveðið að fela Ragnari og Birni Eysteinssyni, ásamt þriðja manni, að útfæra hugmyndina í smáatriðum. Þarf þá að svara eftirfarandi spurningum: Hvernig verður liðið valið? Hverjar eru skyldur þess og réttindi? Hvaða alþjóðamót eru inni í myndinni, sem verkefni liðsins?

3. Íslandsmót.

* Íslandsbanki, sem styrkt hefur Íslandsmótin sl. 5 ár, ákvað að hætta stuðningi sínum í bili.

Kristján Kristjánsson greindi frá því að hann hefði talað við Sverri Hermannsson Landsbankastjóra og falast eftir stuðningi bankans. Sverrir brást vel við og mun Landsbankinn styðja Íslandsmótin í sveitakeppni og tvímenningi þetta árið a.m.k.

* Stjórnin ákvað að halda úrslit Íslandsmótsins í sveitakeppni í Þönglabakka, og reyna jafnframt að koma á fót skemmtilegri sýningaraðstöðu í miðsal hússins. Þá verður gefið út mótsblað, eins og undanfarin ár. Sveinn R. Eiríksson verður yfirkeppnisstjóri, en Jakob Kristinsson töflustjóri, og Guðmundur Pétursson umsjónarmaður mótsblaðs.