Íslandsmót í paratvímenningi

Hið vinsæla Íslandsmót í paratvímenningi verður haldið helgina 13.-14. maí í húsnæði Bridgesambands Íslands að Síðumúla 37. Keppnisstjóri verður Sigurbjörn Haraldsson. Spilaður verður tvímenningur með barómeterformi, þrjú spil á milli para. Keppnisgjald er 7.000 krónur á parið. Skráning í keppnina er hafin og hægt að skrá sig á vefsíðu BSÍ, bridge.is eða með því að hringja í 587 9360 eða GSM 898 7162.
Spilamennska hefst klukkan 11:00 á laugardag, gert verður matarhlé um 13:45-14:30 og spilamennsku lýkur um klukkan 18:44 þann dag. Spilamennska hefst aftur klukkan 11:00 sunnudaginn 14. maí, gert verður matarhlé um klukkan 13:20-14:10 og mótinu lýkur um klukkan 17:20. Nú þegar eru 30 pör búin að skrá sig og enn er hægt að bæta við pörum, en þá gæti tímaáætlunin raskast.