Þrjú svæðamót í tvímenningi
Svæðasamböndin Reykjavík, Norðurland Eystra og Suðurland halda
svæðamót sín í tvímenningi laugardaginn 11. mars næstkomandi. Í
Reykjavík hefst spilamennska klukkan 11:00 og lýkur um klukkan
20:00. Spilastaður er Síðumúli 37, húsnæði Bridgesambands Íslands.
Samkvæmt reglugerð skal spila að lágmarki 60 spil en spilaformið
mun ráðast af þátttöku. Kvóti Reykjavíkur til Íslandsmóts er
20 pör, Norðurlands Eystra 6 pör og Suðurlands 4 pör. Keppendum er,
samkvæmt keppnisreglugerð, frjálst að keppa um réttinn til
úrslitakeppninnar þar sem þeir kjósa, en þó aðeins einu sinni á
hverjum stað. Keppendur geta þó spilað sem gestir hjá öðrum
svæðasamböndum. Keppnisgjaldið er krónur 5.000 á parið í
Reykjavíkurmótið. Keppnisstjóri þar verður Björgvin Már
Kristinsson.
