Stjórnarfundur 18.október 2012

9. fundur í stjórn BSÍ haldinn fimmtudaginn18. okt. 2012 kl 16.00

Mættir voru Árni Már, Garðar, Guðný, Helga, Jafet, Jörundur og Örvar boðaði forföll.

1.                 Fundargerð síðasta fundar samþykkt

2.                 Undirbúningur fyrir ársþing, skýrsla og ársreikningur. Ekki eru neinar lagabreytingar, heldur verða breytingar vegna keppnisreglugerðar og farið verður yfir breytingar varðandi "alert". Guðmundur Baldursson hefur verið fenginn til að sjá um fundarstjórn og undirritaður um fundarritun. Fundurinn mun hefjast kl 13 á sunnudag. Ólöf verður tilbúin með ársskýrslu sem Jafet flytur. Einnig mun Jafet kynna og útskýra reikningana. Formenn nefnda munu síðan greina frá starfinu innan þeirra.

3.                 Fjárhagsáætlun var lögð fram fyrir næsta starfsár, þar sem aðeins eitt mót er á dagskrá er reiknað með rekstrarafgangi sem ætti að vinna upp megnið af halla þessa árs. Reynt verður að ná sambandi við fjáröflunarnefnd og reyna að koma á framfæri þeirri fjárhagsstöðu sem BSÍ stendur frammi fyrir eftir gífurlega erfitt rekstarár. Þátttaka í Evrópumóti, heimsmeistaramóti og Ólympíumóti auk æfingamóta sem og þátttöku nokkurra landsliðsmanna í Nationalmótum og mótinu í Örebro.

4.                 Landsliðsæfingar hófust föstudaginn 5. október. Jafet bauð menn velkomna og greindi frá því að frammistaða para m.a. í úrtökumóti, í lok febrúar, myndi raða pörum í landslið bæði í opnum flokki og kvennaflokki sem tekur þátt í NM í maí sem hér verður haldið. Guðmundur Páll mun hafa aðalumsjón með æfingum og honum til aðstoðar verða Ásgeir Ásbjörns, Sveinn Eiríks og Björgvin Már Kristins.

5.                 Kennslubæklingur fyrir byrjendur í bridge er kominn út, hann verður notaður til kennslu bæði í grunn- og framhaldsskólum og verður einnig sendur til allra félaga. Þýðandi í sjálfboðavinnu var Árni Már Björnsson, saminn af sænska Bridssambandinu og prentaður hjá Sölku.  Reiknað með að Guðný og Helga fari í Hörðuvallaskóla, Vatnsendaskóla og Rimaskóla. Jafet hefur verið  í sambandi við sunnudagsblað Mbl og Bylgjuna til að kynna útgáfuna.

6.                 Um Reykjavík Bridge Festival, enn er verð á sölum ekki frágengið en loforð er fengið um aðgang að tveimur aukasölum vegna mikillar eftirspurnar. Einnig búið að taka frá mikið gistirými. Enn er óvíst um þátttöku hinnar frægu Mónakó sveitar. Reynt verður að sækja um styrk til borgarinnar.

7.                 Önnur mál. Samstarf við Skáksambandið um húsnæði er líklega úr sögunni, ýmislegt svo sem borðastærð ósamrýmanlegt. Rætt hefur verið við starfsmenn banka sem hafa með húseignir að gera - allar íbúðir seljast fljótt en sama gildir ekki um atvinnuhúsnæði og minnst á húsnæði sem til greina kynni að koma.  Næsti fundur 15. nóvember kl 16