Stjórnarfundur 14.júní 2011

9. fundur stjórnar BSÍ haldinn þriðjudaginn 14. júní  kl. 16.00.

Mætt á fundinn voru Jafet Ólafsson,  Guðný Guðjónsdóttir,  Jörundur Þórðarson,  Ólöf Þorsteinsdóttir og Sveinn R Eiriksson.  Árni Már Björnsson, Garðar Garðarsson, Kristinn Kristinsson boðaði forföll.

Jafet setti fundinn.

Fundargerð síðasta fundar samþykkt

Jafet greindi frá Norðurlandamóti, ferðalagið gekk vel (flug á Stokkhólm + lest til Örebro), mjög gott að standa ekki í erfiðu ferðalagi rétt fyrir slíka keppni, hann lýsti frammistöðu liða í báðum flokkum - greindi einnig frá fundi forseta sambandanna. Fundur í stjórn NBU (Nordisk Bridge Union) föstudaginn 27. maí 2011 kl 13.30

Mættir voru: Rune Handal, Jan (Nor), Stephan Magnusson DK, Henrik Friis DK(fundarstjóri), Flemming Bøgh-Sørensen (DK), Jorundur Thordarson, Jafet Olafsson (Isl), Jan Kamras (Sve), Mats Qviberg (Sve.), Kaj Backas (F),  Christian Andreasen, FSF-forseti  (Færeyjar)

Fleming og Kamras hafa verið að vinna að samningu lagaramma um samstarfið innan NBU. Þar var nokkuð rætt um vægi atkvæða í atkvæðagreiðslum, áhersla lögð á að samþykktir væru bestar þar sem samstaðan væri góð, aukinn meirihluta þurfi alltaf. Helst var deilt um áhersluatriði en að lokum var sæst á lokaniðurstöðu sem forsetar allra Norðurlanda skrifuðu undir. Jafet fékk sitt eintak þessu plaggi.

Danir hafa síðustu tvö ár verið með stjórn NBU. Því miður hefur Ole Veje (forseti NBU) lent í slíkum veikindum að hann hefur ekki getað sinnt því starfi. Núna var Stefan Magnusson valinn í þetta starf og verður forseti næstu tvö árin og verður Fleming áfram ritari.

Næsti Junior Camp og Junior meistaramót verður í Noregi. Þar sem síðasti Junior Camp féll niður þá hefur kostnaður minnkað og því var stungið upp á lækkun árgjalds úr DKK2,50 niður í DKK1,50 enda búið að greiða upp allar skuldir.  Ræddu um hvenær árs ætti að skila fjölda félaga, til að fá tölu sem gleggsta mynd af fjölda er stundum þörf á að bíða fram eftir ári, eðlislegast fyrir okkur að gefa töluna upp strax eftir ársþing og þá til allra viðkomandi (NBU, EBL og WBF) til að samræmi sé. Þegar við skilum ekki inn í EBL eða WBF þá hækka þeir alltaf um 10%.

Nú eru menn að sjá fyrir endann á bókunum fjórum um nordískan standard, fjóða bókin að klárast í danskri útgáfu, þetta er samstarf Norðmanna, Svía og Dana. Finnar hafa sjálfir gefið út eina bók.

Nordisk BBO (3600 félagar nú þegar) er á fullu fyrir Svía, Norðmenn og Dani. Önnur lönd velkomin inn í þetta samstarf. Marianna Harding er með umsjón núnaa en Svíar munu taka við umsjón í haust.

Finnar segjast alltaf árlega vera með 3gja daga Camp, næst 15.-18. sept. Norðmenn eru með Camp síðustu viku í júlí.

Ísland stakk upp á að næsta NM (Íslan 2013) verði um páska. Verður skoðað nánar.

Seinni hluti fundar fór fram með tveimur góðum gestum, Yves Aubree forseta EBL og Jens Auken (DK). Forseti EBL hafði stutta framsögu, ræddi m.a. um andstöðu EBL við póker í tengslum við íþróttir. Svaraði einnig fyrirspurnum. Töluverðar umræður voru um kynningu á bridge, á NM voru Svíar með stöðuga lýsingu á keppninni á Facebook. Næsta Evrópumót verður í Grikklandi 2012. Stefnt að því að Champions Cup tengist við 2.helgi í Nóvember. Christian lýsti áhuga Færeyinga á þátttöku á Smáþjóðakeppni en það kom fram á síðasta þingi EBL að einn í stjórn EBL (frá San Marino) hefði mikinn áhuga á að raungera slíkt. Yves greindi frá fyrirhugaðri uppfærslu á heimasíðu EBL

Í framhaldi af fundinum skoðuðu fulltrúar ýmsar byggingar og gistiaðstöðu í Örebro, væntanlega vegna hugsanlegra móta á vegum EBL.

Næsta Norðurlandamót verður hér árið 2013. Örlítil umræða um fyrirkomulag, þörf á hvernig aðstöðu o.s.frv. Á mótinu í Örebro (Scandic Vestra, minna Scandic hótelið, örlítið út úr, 2 hjól til ráðstöfunar fyrir gesti ef þeir vildu skreppa í miðbæinn) var ekki gert ráð fyrir neinum áhorfendum nema þeim sem tengdust liðunum og aðstandendum mótsins. Tveir litlir salir voru fyrir opna og lokaða sal, fjögur herbergi fyrir opið og lokað BBO í kvenna og opna flokk, einn litill salur fyrir Vugraph, eitt vinnuherbergi fyrir mótsblaðið og Brenning og að lokum voru skjáir og uppstillingartölva í koníakssalnum (hjá barnum). Að lokum var fundarsalur fyrir fund NBU. Öll liðin voru á sama hóteli og skapaði það góða umgjörð. Í Finnlandi var svipað fyrirkomulag, herragarður að vísu fleiri hús, en öll á svæðinu.

Landsliðsmál karla, undirbúningur. Jafet og BE hafa verið að hittast og sinna undirbúningi. World Class styrkir BSÍ og veitir landsliðinu aðgang að stöðvum sínum fram að Bermúda Bowl.

Bréf frá Birni Eysteinssyni - beiðni um stuðning. SRE vék af fundi. Stjórn BSÍ hefur skoðað þessa umsókn en þegar haft er í huga gríðarlega kostnaðarsöm landsliðsverkefni auk minnkandi framlaga ríkis þá er ekki hægt að verða við bón þessari. Jafet er falið að koma þessu á framfæri við BE.

Bermudamót í september. Fjáröflunarmót verður haldið 16.-17. sept, leitað verður eftir stuðningi fyrirtækja, erlendir spilarar komi hér í boði Iceland Express + sterk pör fari á hærra verði.

Mótaskrá. Mjög erfitt hefur verið að koma saman mótaskrá og hefur mótanefnd verið í sambandi við marga í þessu sambandi. Ársþing lendir á sama tíma og Bermúdaskálin og gæti það orðið til þess að boðaður verði framhaldsfundur 30.okt

Önnur breyting verður sú að Deildarkeppnin verður núna einni stórri helgi eða á þremur dögum, 25.-27. nóvember. Þetta er gert annars vegar til að geta komið öllum mótum fyrir en einnig með það í huga að spilarar utan af landi geti tekið þátt í þessu án þess að fara margar ferðir.

Starfið í sumar - brigde fyrir vinnuskólann. Guðný hefur verið að sinna þessu verkefni. Stefnt að því að ná saman ungu fólki úr vinnuskólanum og vera með kynningu og létta spilamennsku. Einnig að nota vel BBO og netkennslu.

 Önnur mál

Hljómburður: Spilakona hefur verið í sambandi við SRE, hún notar heyrnartæki, hún segir mjög erfitt fyrir sig að spila við þessar aðstæður, hljóðburður er mjög slæmur. Hún viti um ýmsar ódýrar leiðir til að ráða bót á þessu vandamáli. SRE, Jafet og Ólöf ætla að boða hana á sinn fund og ræða þessi mál.

Azoreyjamót í sumar SRE: benti á mjög niðurgreiddar ferðir á mót fyrir yngri spilara á Azoreyjum. Gæti verið hvati fyrir unga spilara (25 og yngri) (Bara greiða flug til og frá Lissabon)

Aðeins var rætt um ÍSÍ og hvort hag okkar væri betur borgið innan þess. Ekki töldu fundarmenn það líklegt. Umræðan vegna umsóknar Norðmanna í íþróttahreyfingu þar.

10. fundur .er áætlaður fimmtudaginn 18. ágúst kl. 16