3.júní

10. fundur stjórnar BSÍ haldinn þriðjud. 3. júní 2008
Mættir voru Þorsteinn Berg, Hrafnhildur Skúladóttir, Ómar Olgeirsson og
Sveinn R. Eiríksson einnig Garðar Garðarsson og Júlíus Sigurjónsson í
varastjórn. Ólöf Þorsteinsdóttir einnig viðstödd. Páll Þórsson boðaði
forföll.
1. Norðurlandamót unglinga 2009. Farið hefur verið fram á það að við
höldum Norðurlandamót unglinga árið 2009 (tímasetning páskar). Samþykkt að
verða við þessu.
2. Sumarbridge. Það gengur vel, yfir 20 pör á hverju kvöldi, spilað er
mánudaga en þá stjórnar Þórður Ingólfsson og miðvikudaga en þá stýrir Sveinn
Rúnar Eiríksson.
3. Landsliðsmál. Rætt um hvernig best væri að standa að vali á
landsliðum. Enn er verið að vinna í fjármögnun fyrir landslið í opnum
flokki. Samið hefur verið við Iceland Express til 2gja ára um 64 flugleggi
(flugvallaskattur verði þó greiddur). Lítils háttar afnot af húsnæði BSÍ
komi á móti. Einnig mun deildakeppnin verða kölluð Iceland Express deildin.
Bridgesamband Íslands mun fá prósentur ef keyptir eru farmiðar af Iceland
Express í gegnum tengil á heimasíðu BSÍ og vill BSÍ hvetja félaga sína til
að nota þann "link" ef þeir skipta við það flugfélag. ????
4. Nokkrir fréttapunktar: Góð frammistaða íslenska landsliðsins í opnum
flokki að undanförnu, vann bikarkeppni Norðurlanda í Rottneros í Svíþjóð og
einnig æfingaleiki við danska landsliðið um helgina. Bikarkeppnin er hafin.

Hrafnhildur