21.okt - Ársþing

Ársþing Bridgesambands Íslands haldið 21. okt. 2007 að Síðumúla 37.

 

Mættir voru eftirfarandi fulltrúar bæði af Stór-Reykjavíkursvæði og af landsbyggð.

Eftirfarandi voru með kjörbréf

Bridgefélag	Nafn fulltrúa	Atkvæði
B. Akureyrar	Páll Þórsson Víðir Jónsson	1 1
B. Fjarðabyggðar	Bjarni Einarsson	2
B. Hafnarfjarðar	Erla Sigurjónsdóttir	1
B. Hafnarfjarðar	Guðlaugur Bessason	1
B. Ísafjarðar	Júlíus Sigurjónsson	1
B. Kópavogs	Þorsteinn Berg Hjálmar S. Pálsson	2 1
B. Muninn	Garðar Garðarsson	2
B. Reykjavíkur	Jón Baldursson	1
B. Reykjavíkur	Sigtryggur Sigurðsson	1
B. Reykjavíkur	Ómar Olgeirsson	1
B. Reykjavíkur	Guðný Guðjónsdóttir	1
B. Reykjavíkur	Sigrún Þorvarðardóttir	1
B. Reykjavíkur	Jörundur Þórðarson	1
B. Sauðárkróks	Kristján Snorrason	2
B. Selfoss og nágrennis	Brynjólfur Gestsson	1
B. Selfoss og nágrennis	Gunnar Björn Helgason	1
Miðvikudagsklúbburinn	Guðlaugur Sveinsson	1
Miðvikudagsklúbburinn	Guðrún Jörgensen	1

Einnig voru mættir eftirfarandi:

Guðmundur Baldursson forseti, Hrafnhildur Skúladóttir ritari, Ólöf Þorsteinsdóttir framkvæmdastjóri, Stefanía Sigurbjörnsdóttir bókari, Inda Hrönn Björnsdóttir, Kristinn Kristinsson og Kristinn Þórisson.

1. Þingsetning. Guðmundur Ólafur Baldursson forseti BSÍ setti þingið og bað þingfulltrúa að minnast látins félaga, Guðmundar Móses Jónssonar með stuttri þögn.

2. Kosning fundarstjóra, fundarritara og 3gja manna kjörbréfanefndar.GB bað Kristján Snorrason að sjá um fundarstjórn.  Hrafnhildur var skipaður fundarritari.

3. Í kjörbréfanefnd: (Erla Sigurj., Jón Bald., og Stefanía Sigurbj.)   sem komst að því að kjörbréf væru fyrir 24 atkvæði.

4. Skipuð var uppstillinganefnd (Páll þórsson, Guðný Guðjónsdóttir og Júlíus Sigurjónsson)

5.  Guðmundur Baldursson forseti skilaði myndarlegri skýrslu um starf síðasta árs sem fylgdi fundargögnum. Sérstaklega nefndi hann að BSÍ er komið inn á föst fjárlög ( 15 milljónir kr.). Námskeið hjá Guðmundi Páli fyrir konur og yngri spilara tókst vel og verður áframhald á því. SR Group unnu sveitakeppni á Íslandsmóti kvenna og unnu sér þar með þátttökurétt á NM þar sem þær stóðu sig með ágætum.

Eykt vann deildakeppni og keppti því á NM.

Eftir miklar umræður og vangaveltur hefur verið ákveðið að færa úrslitakeppnina í Ísl.móti í sveitakeppni úr dymbilviku og aðeins aftar, páskar eru að þessu sinni óvenju snemma. Þetta er aðeins í tilraunaskyni. Bridgehátíð tókst vel - góð þátttaka - samt var tap á hátíðinni, keppnisgjöld óbreytt síðustu 4 ár og kostnaður hefur aukist mikið.

Reykingar hér innan dyra hafa verið kærðar til heilbrigðisnefndar sem gersamlega hefur bannað allar reykingar innan dyra.

Mikið tap hefur verið á rekstri veitingasölunnar og hefur sá rekstur verið lagður niður og fengnir sjálfsalar (til reynslu) inn í gamla reykherbergið þar sem hægt er að fá gos og sælgæti.

Ísak er hættur og Ólöf Þorsteinsdóttir hefur tekið við sem framkvæmdastjóri.

Búast má við því að næsta ár verði nokkuð kostnaðarsamt enda mörg mót framundan: Evrópumót - Ólympíumót.

Að lokum þakkaði Guðmundur fyrir góða samvinnu en hann gefur ekki kost á sér áfram.

6.  Skýrslur úr starfsemi nefnda.

Meistarastiganefnd (Ómar, Gísli og Gabríel): Ómar. Skrá er til yfir Topp 100 spilara auk þess sem stigaskrá er aðgengileg á netinu. Vilji er fyrir því að gefa aftur út bækling yfir stigin en slíkur bæklingur kom síðast út 1997.

Mótanefnd (Ómar er formaður, Páll Þórs, Sveinn R Eir., og Garðar G)

Stærsta mál er að hlusta á raddir spilara um tíma fyrir úrslit Íslandsmóts í sveitakeppni. Flestir virðast sætta sig við breytingu  (ca 20. apríl)

Ath. Íslandsmót í tvímenning - þarf að negla fastar niður (bæði fyrirkomulag og tímasetningu)

 

Laga- og keppnisreglunefnd (Kristján Blöndal, Björgvin Már Kristinsson, Jón Baldursson) Jón Baldursson ræddi áfram fyrirkomulag á Íslandsmótinu í tvímenning og hefur reynst erfitt að finna heppilegt form á því. Vilja samt gefa nýju fyrirkomulagi annað tækifæri.  Ennþá þekkja ekki allir keppendur reglurnar um hvernig má öðlast þátttökurétt. Ýmsar fyrirspurnir og gagnrýni kom sem Jón svaraði.

Fjölmiðlanefnd (Sveinn formaður, Ómar, Páll ) Sjá um eða fylgjast með því að heimasíða og textavarp sé uppfært, koma fréttum í fjölmiðla - fjölmiðlafulltrúar á stærstu mótum.

Páll Þórsson gagnrýndi framkvæmd á síðasta Ísl.móti í sveitakeppni, ýmislegt gekk miður. Kjördæmamótið virkar vel.

7.  Stefanía Sigurbjörnsdóttir kynnti vel frágengna reikninga, sem fengu góða einkunn löggilts endurskoðanda (Guðlaugur R. Jóhannsson). Stefanía áréttaði að aukin skylda við halda fjármálum í góðu lagi hefði myndast þar sem við erum nú komin inn á fjárlög.  Hún útskýrði allar tölur fádæma vel.

Nokkrar fyrirspurnir Sigrún, Kristinn K, Páll Þ, Guðrún, Garðar, Brynjólfur, Guðl. Sv. Erla. Bjarni hafði áhyggjur af því að þátttaka kynni að skerðast vegna reykingabanns og stakk upp á að sækja um undanþágu frá banninu, Víðir stakk upp á að fá fyrirtæki til að styrkja Íslandsmótin líkt og í handbolta og knattspyrnu.

Reikningar samþykktir.

8.         Lagabreytingar.

Guðmundur lagði fram tillögu stjórnar um að fækka í stjórn úr 7 í 5 og auk þess í varastjórn úr 3 í 2. Núna hafa seturétt á fundum 7 stjórnarmenn auk 3 varamanna og síðan framkvæmdastjóri eða alls 11 manns. Fundirnir eru haldnir eftir vinnu og fram að spilamennsku (17.30 - 19) og telur að fjöldi fundarmanna geti hamlað virkni og betur gangi með færri fundarmönnum.

um lagabreytingu á 3. kafla: Stjórn og sambandsþing.

5. grein hljóði svo:

Á milli ársþinga er æðsta vald í málefnum sambandsins í höndum stjórnar, sem skipuð er 5 mönnum sem kosnir eru á ársþingi.

Forseta skal kjósa sérstaklega til eins árs í senn og 2 meðstjórnendur til tveggja ára. Varastjórn skipuð 2 mönnum skal kosin til eins árs o. s. frv.. 

Sigtryggur og Brynjólfur lögðu fram breytingatillögu:

5. grein hljóði svo:

Á milli ársþinga er æðsta vald í málefnum sambandsins í höndum stjórnar, sem skipuð er 5 mönnum og 2 varamönnum sem kosnir eru á ársþingi.

Forseta skal kjósa sérstaklega.

Varastjórn skal boðuð o.s.frv. ...

Einnig var rætt hvort ekki væri óþarfi að vera með sérstakt framkvæmdaráð innan stjórnar og voru flestir á því að þess þyrfti ekki, ekki var kosið um það.

Þar sem breytingatillagan gekk lengra (einungis kosið til eins árs í senn) var hún borin undir atkvæði og var samþykkt með þorra atkvæða gegn 3.

 

9. Kosning stjórnar.

Forseti var kjörinn Þorsteinn Berg

Hrafnhildur Skúladóttir og Sveinn R Eiríksson sem síðast voru kosin til 2gja ára sitja áfram. Auk þeirra hlutu Páll Þórsson og Ómar Olgeirsson kosningu í stjórn. Í varastjórn voru kjörnir Garðar Garðarsson og Júlíus Sigurjónsson.

Páll kom með tillögu til stjórnar um að Inda Hrönn yrði fulltrúi fyrir ungliðastarfið.

10. Kosið í Áfrýjunarnefnd - samþykkt óbreytt

(Guðjón Bragason, Björgvin Þorsteinsson, Esther Jakobsdóttir, Guðmundur Ágústsson, Guðm. Sv. Hermannsson, Kristján Kristjánsson, Loftur Þór Pétursson)

11.       Endurskoðandi reikninga - sami Guðlaugur R Jóhannsson

12.       Skoðunarmenn reikninga: Hallgrímur Hallgrímsson og Páll Bergsson

            Varaskoðunarmenn: Bogi Sigurbjörnsson og Jörundur Þórðarson

13.       Árgjald óbreytt

14.       Önnur mál

Guðrún Jörgensen: stakk upp á lúgu fyrir eldhúsgatið til að loka fyrir lykt og hávaða.

Kristinn Kristinsson: Óánægður með húsnæðið og býðst (með aðstoð Halldórs Svanbergssonar vinar síns) til þess að finna lóð fyrir BSÍ með aðstoð Reykjavíkurborgar sem myndi kaupa af okkur húsnæðið. Tvennt telur hann brýnt að laga: aðstaða framkvæmdastjóra er engin, reykingamenn gætu farið út ef menn eru á jarðhæð. Nokkrir lýstu yfir ánægju með tillöguna (Sigtryggur o.fl.)

Bjarni var ekki ánægður með forgangsröðun síðasta árs vildi fá fræðslumál og málefni yngri spilara í forgang,.

Hann kom með tillögu um að skipa nefnd til að vinna í málefnum yngri spilara. Stjórnin setji sé forgangsreglur, hvað á að gera næstu ár og unnið í því. Vangaveltur í sambandi við landsliðsmál, ekki nauðsynlegt að senda landslið á Evrópumót, sækja frekar ódýrari mót.

Páll tók undir með Bjarna um ungliðastarfið og var mjög ánægður með átakið í kringum landsliðið í opna flokknum þótt ekki hafi tekist að ná tilsettu markmiði. Hann vildi ekki eyða fé í "stjörnulið" í   kjördæmakeppni (aukalið búið til eftir að Færeyingar bættust við).

Inda Hrönn: ræddi um þjálfun ungliða sem var mjög ómarkviss á s.l. ári þeir voru illa undirbúnir á mót erlendis. Hún vildi setja mál ungliða í forgang.

Jón Baldursson tók undir með Indu og hvatti nýja stjórn til að sinna yngri spilurum, hvatti stjórnina til að hugsa vel framkvæmd Íslandsmóts, setja úrslit á netið og í fjölmiðla.

Sinna fræðslumálum betur - skipa fræðslunefnd - talaði um að síðasta stjórn hefði sýnt metnað í landsliðsmálum - þau þurfa að vera í sívinnslu. Ánægður með að hafa Færeyinga í kjördæmamóti og ef ekki er hægt að senda markvisst lið þá er eins gott að hafa yfirsetu.

Guðmundur Bald. talaði um reykingar þær eru bannaðar með lögum nema hægt er að gera undanþágu fyrir starfsmenn. Sagði einnig að nýtt húsnæði væri gott að athuga. Einnig hefði mikið starf verið unnið í nýliðastarfinu. Búið er að ákveða að Guðm. Páll haldi áfram með þjálfun f. konur og yngri spilara.

Gunnar Björn Helgason þakkaði fráfarandi stjórn og tók undir með Indu o. fl. um að standa við bakið á yngri spilurum. Hann ræddi um að taka vel á móti nýliðum og nefndi að mikill munur væri á andrúmslofti í Reykjavík og t. d. á Selfossi.

Guðlaugur Sveinsson þakkaði fráfarandi stjórn og studdi tillögur Bjarna o. fl. Lagði áherslu á að jákvæðni skipti miklu máli. Kvaðst tilbúinn að standa að nýjum mótum s.s. eins og haldið var á Hótel Örk fyrir nokkrum árum.

Kristján Snorrason óskaði nýkjörnum forseta velfarnaðar og sagði að forseti þyrfti að vera að hluta til launaður, því hans vinna er mikil með framkvæmdastjóra milli funda. Við þurfum ekki að sjá eftir peningum á Kjördæmamót því landsbyggðin kostar miklu til og lítur á þetta sem sitt mót.  Hann minnti einnig á að Gunnar Þórðarson frá Sauðárkróki sem nýlega er orðinn níræður verður með afmælismót fljótlega.

Húsnæðismál þarf að skoða vel - auðveldara að afla fjár en oft áður.

Bjarni ræddi aftur um ungliðastarfið - þarf að semja verklýsingu hvað á að gera á æfingum. Bjarni bauðst til að vera í nefnd til að búa til verklýsingar - kennsluefni o. fl.

Bjarni stakk upp á að endurvekja námskeið sem Björgvin hélt fyrir yngri spilara.

Erla þakkaði fráfarandi stjórn.

Inda benti á að nú væri í gangi bridgenámskeið úti í bæ en ekki væri haft samband við BSÍ og það væri alvarlegt mál. Inda bauðst til að leggja sitt af mörkum.

Fundarstjóri bauð síðan nýjan forseta velkominn til starfa.

Þorsteinn þakkaði fyrir traustið, sagði að málin á þessu þingi væru í raun mjög svipuð og þegar hann var fyrrum í stjórn. En hann kvaðst hlakka til að takast á við nýja starfið og sleit að svo mæltu þinginu.

 

Reykjavík 21. október 2007

Hrafnhildur Skúladóttir