28. september 2004

þriðjudagur, 28. september 2004

Stjórnarfundur 28. september 2004

Mættir á fundinn: Kristján B. Snorrason, Matthías Þorvaldsson, Kristján Már Gunnarsson, Erla Sigurjónsdóttir, Kristján Blöndal, Ísak Örn Sigurðsson, Helgi Bogason, Stefanía Skarphéðinsdóttir, Guðmundur Ólafsson og Una Árnadóttir. Jóhann Stefánsson var fjarverandi.

1. Skýrsla forseta

Forsetinn skýrði frá því að EM hefði reynst BBÍ dýrt og kostnaðurinn kominn yfir 4.000.000 kr.

2. Skýrsla framkvæmdastjóra

Stefanía sagði frá því að Bikarkeppnin tafðist vegna þess að það tók áfrýjunarnefndina 45 mínútur að komast að niðurstöðu vegna kærumáls í 3 lotu.

BSÍ hefur fengið 200.000 kr. aukareikning vegna hitaveitu en hugsanlega er hægt að bakfæra hluta þeirrar upphæðar.

Rætt um heimasíðu Bridgesambandsins og að BR væri að koma inn á hana og jafnvel fleiri félög. Umræða um hvað væri sanngjörn greiðsla til BSÍ fyrir þessa þjónustu. Talið eðlilegt að félögin borgi þróunarkostnað og eitthvert mánaðargjald. - Sambandinu hefur borist bréf frá Topp Bridge Com þar sem þeir eru að bjóða kennsludisk frá Danmörku. Þetta er mjög gott kynningarefni fyrir byrjendur og ætlar Stefanía að athuga hvort hægt sé að fá leyfi til að þýða diskinn og nota hann.

3. Heiðursmerki BSI

Ákveðið að láta hanna heiðursmerki BSÍ og var Helga Bogasyni falið að fylgja því máli eftir.

4. Deildakeppni

Reglugerð um Deildakeppnina var dreift. Kristján Blöndal vildi koma því á framfæri að hann væri tilbúinn til að hjálpa fólki til að mynda sveitir.

5. ÓL Istanbúl

Eftirfarandi pör fara til Istanbúl:
Matthías Þorvaldsson og Magnús Magnússon
Jónas P. Erlingsson, spilandi fyrirliði og Steinar Jónsson
Aðalsteinn Jörgensen og Sverrir Ármannsson

Búið að ráða skrifara frá Rúmeníu. Kostnaðurinn er áætlaður ca. 1.000.000 kr. fyrir utan frímiða sem BSÍ átti, en kostnaðurinn verður meiri ef liðið kemst í 8 liða úrslit

6. Fræðslumálin

Ekki búið að móta starfið fyrir veturinn en þó ákveðið að miðvikudagarnir verða fyrir ungliðana. BR borgaði keppnisstjórn í fyrra en mun ekki gera það í vetur.

7. Keppnisstjórnanámskeið

Guðmundur Ólafsson dreifði umræðupunktum um þjálfun keppnisstjóra. Telur nauðsynlegt að BSÍ geti aðstoðað félög og svæðasambönd við að útvega viðurkennda keppnisstjóra. Hefur rætt við Svein Rúnar um að aðstoða við að móta stefnu og er Sveinn Rúnar jafnvel til í að halda námskeið. Aðalatriði að mati Guðmundar er að BSÍ haldi utan um málið. Stefnt er að því að halda keppnisstjóranámskeið í haust.

Einnig var dreift tillögum að breytingum á framkvæmda svæðamóta og breytingum á almennri keppnisreglugerð fyrir Íslandsmót.

Fleira ekki rætt, fundi slitið kl. 18:20

Frítt fyrir börn og ungmenni Öll börn og ungmenni 20 ára og yngri fá frítt í bridge í vetur
Sjá nánar