30. mars 2004

Forsetinn ræddi um nauðsyn þess að reyna að vekja áhuga á bridge og vinna í PR-málum, eins og hefur verið gert í skákinni. Það mætti e.t.v. reyna að koma bridge inn í sjónvarpið

Stefanía sagði frá því að hollenskur bridgblaðamaður hefði áhuga á að markaðssetja Bridgehátíði í Hollandi. Umræða um málið og vaknaði m.a. upp sú spurning hvort það væri æskilegt að fá marga útlendinga inn á mótið, því eins og staðan er í dag þá er tvímenningurinn mjög eftirsóttur af innlendum spilurum og óvíst hvort hægt sé að taka á móti fleiri pörum.
Nýr hugbúnaður hjá textavarpinu verður líklega tilbúinn fyrir úrslitin og fáum við þá þrjá síður, 326, 327 og 328.
BSÍ býður upp á opið hús, sérstaklega fyrir nýlið, miðvikudaginn 21.apríl.
Kjördæmamótið 22. - 23. maí verður haldið á Sauðárkróki.
Þakviðgerð er lokið, beðið eftir lokauppgjöri.

Ákveðið að bjóða út sumarbridge eins og undanfarin ár og verða útboðin opnuð 27. apríl n.k. Ekki var ákveðið á fundinum hvort veitingasalan væri með í útboðinu. Framkvæmdastjórn fékk heimild stjórnar til þess að ákveða og ganga frá því máli.

Eins og komið hefur fram voru undanúrslitin í Íslandsmótinu spiluð á tveimur stöðum. Það hafa ekki borist til stjórnarinnar né skrifstofunnar neinar kvartanir varðandi þetta fyrirkomulag. Ákveðið var að stefna á þetta fyrirkomulag aftur árið 2005. Rætt var um Mónumótið sem verður haldið samhliða úrslitum Íslandsmótsins sem spiluð verða um Páskana á Loftleiðum. Kristján Blöndal, hefur fengið 30 Mónu páskaegg í verðlaun og ákveður hvernig eggjunum verður ráðstafað.

Ákveðið að þjálfa og senda út sveit yngri spilara á Norðurlandamótið 2005.

Skipuð var nefnd til þess að halda utan um fræðslumál yngri spilara og er hún skipuð Ljósbrá Baldursdóttur, Jóhanni Stefánssyni og Antoni Haraldssyni, ef hann gefur kost á sér.

Rætt um menntun keppnisstjóra, því það er augljóst að það þarf að þjálfa upp nýja keppnisstjóra. Jóhann Stefánsson ætlar að koma með tillögur.

Fleira ekki rætt, fundi slitið kl. 18:15