11. desember 2002

Búið er að senda menntamálaráðuneyti bréf og óska eftir að bridge verði viðurkennt sem valgrein í framhaldsskólum. Námsskeið til eininga er í gangi á Húsavík og á vorönn verður boðið upp á slíkt námsskeið á Ísafirði.

Stefanía bar stjórninni kveðju frá Gianarigo Rona forseta EBL en hann var hér á landi á dögunum vegna fundar Alþjóða Olympíunefndarinnar. Kynnt bréf Rona til Ellerts Schram þar sem hann hvetur íslensku Olympíunefndina til að veita BSÍ inngöngu. Stefanía upplýsti að það væri talið mjög ólíklegt að bridge fengi að vera með á vetrarleikunum 2006.
Virtur kokkur sem rekur veisluþjónustu hefur áhuga á samstarfi,, en hann vantar sal til afnota.

Lögð fram endurskoðuð fjárhagsáætlun 2002-3.
Jóni forseta tókst með harðfylgi og líka velvilja ráðamanna að hækka framlög til BSÍ á fjárlögum næsta árs í kr. 8 millj.
Mestu breytingar: Áætlun til fræðslu og kynningar lækkuð í kr. 600.000 og áætlun vegna landsliða hækkuð í kr. 3,3 millj. Sjá nánar í lið 4.

Jón og Stefanía hafa gengið frá samningum við landsliðseinvalda..
a) Opinn flokkur.
Guðmundur Páll Arnarson er ráðinn einvaldur fram yfir EM 2004.
Fjárhagsáætlun vegna landsliðs hækkuð vegna möguleika á þátttöku á
æfingamóti erlendis.
b) Kvenna flokkur.
Ragnar Hermannsson er ráðinn einvaldur til og með NM 2003. Að móti loknu verða árangur og horfur metnar og ákvarðanir teknar um framhaldið í því ljósi.

Stjórnin samþykkir samningana.

c) Yngri spilarar.
Skipulag undirbúnings er í höndum Antons Haraldssonar.

Samþykkt að Stefanía leggi fram tillögur um breytingar á reglum vegna styrkja á EM og HM á næsta stjórnarfundi. Ákveðin hámörk og árangurstenging talin góðir kostir.

a) Fræðslumál.
Samþykkt að fá Ljósbrá til að leggja fram skipurit og kostnaðaráætlun vegna námskeiðahalds fyrir 1) unglinga og 2) verðandi leiðbeinendur.
b) Efling bridgefélaganna.
Birkir upplýsti að á næstunni myndu 3 félög í Húnavatnssýslum byrja með sameiginleg spilakvöld. Hann vinnur áfram í að hvetja önnur félög til dáða.

a) Bridgehátíð.
Rætt um möguleika á að ná fram meiri hagnaði af mótinu. BH-nefnd beðin að koma með tillögur þar um.
b) Niðurskurður í Hafnarfirði.
Erla (form. Bf. Hafnarfj.) sagði félagið ekki fá neina styrki á næsta ári vegna mikils niðurskurðar til íþrótta- og æskulýðsráðs Hfj. En bridgefélagið hafði uppi áform um að hefja fræðslustarf eftir áramótin.

Fleira ekki rætt. Fundi slitið kl. 19.15