10. apríl 2002

Guðmundur Ágústsson setti fund og bauð fundarmenn velkomna. Hann greindi frá því að kaupendur að Þönglabakkanum hefðu ekki greitt síðustu afborgun sem gjaldféll 1.apríl. Ástæðan er sú að kaupendur telja sig eiga 5,5 millj. kr. kröfu vegna óslétts gólfs og lagfæringa á því, einnig hefur Framfarafélagið lagt fram kröfu vegna rekstrargjalda kr. 2 millj. BSÍ hafnar þessum kröfum og standa samningar yfir.

Guðmundur gerði grein fyrir ákvörðun stjórnar um styrk á EM para, þar hafi kr. 8.000 styrkur verið samþykktur. Bridgespilari sem fór þessa för, gerði athugasemdir við, að styrkurinn hafi verið lægri en framkvæmdastjóri hafi gefið í skyn í samtali við hann. Guðmundur sagði að styrkurinn hafi verið lækkaður vegna fjölda umsækjenda, þar sem gert væri ráð fyrir kr. 300.000 í framlag á ári vegna keppnisgjalda á mót erlendis.
Ísak, Matthías, Birkir og Erla viku af fundi.
Samþykkt með 4 atkvæðum gegn 1 að endurskoða ekki fyrri ákvörðun stjórnar.
Ennfremur samþykkt samhljóða að taka reglurnar um styrkveitingar á mót erlendis til endurskoðunar.

Evrópumót á Ítalíu 15.-30.júní 2002:
Opinn flokkur:
Fyrirliði: Guðmundur Páll Arnarson
Steinar Jónsson - Stefán Jóhannsson
Þröstur Ingimarsson - Bjarni Einarsson
Karl Sigurhjartarson - Snorri Karlsson
Kvenna flokkur:
Fyrirliði: Haukur Ingason
Ragnheiður Nielsen - Hjördís Sigurjónsdóttir
Alda Snorradóttir - Dóra Axelsdóttir
Hrafnhildur Skúladóttir - Guðný Guðjónsdóttir

Evrópumót á Englandi 7. - 17. júlí 2002:
Yngri spilarar:
Anton hefur ákveðið að draga sig í hlé og ætlar ekki að leiða lið yngri spilara í sumar.
Stjórn BSÍ felur Birki og Sigurbirni í samráði við framkvæmdastjóra að leita leiða til lausna.

Nefndin er enn að störfum og skilar skýrslu fyrir sumarfrí.

Undankeppni tvímenningsins verður spiluð í Síðumúla eða Fjölbrautarskólanum Ármúla, eftir þátttöku. Úrslitin sennilega í sal í Holtasmára eða í Ármúlaskóla.

Fundi slitið kl. 19.15