Stefanía upplýsti að búið væri að gera samning við Flugleiðir um næstu Bridgehátíð á sömu kjörum og áður.Sveit Svía hefur þegar þegið boð um þátttöku. Stefanía og Ljósbrá tilnefndar í BH-nefnd. Bikarkeppnin: Samþykkt að sýna á töflu með skýringum, undanúrslit og úrslit. Bréf frá WBF: Nú á einungis eftir að uppfylla örfá formsatriði til að bridge verði fullgild Olympíu-íþrótt.

Lagt fram yfirlit um kostnað við rekstur Húsnæðis BSI. Stefanía leggur til að leiga á forgefnum spilum verði hækkuð, spil til notkunar í mitchell kosti kr 40 en fyrir barómeter kr 30, einnig væri nauðsynlegt að greitt væri aukalega þegar spilaður er monrad-barometer, vegna mikillar ljósritunar sem því fylgir.

Guðmundur Ágústsson skýrði frá beiðni sem komið hafði frá KEA Nettó um breytingar á flóttaleiðum í Þönglabakka 1, Guðmundi falið að tryggja að BSÍ beri engan kostnað af þessum framkvæmdum.

Dagskrá:in undirbúin. Kristján, Þorsteinn og Ragnar gefa ekki kost á sér til áframhaldandi stjórnarstarfa. Formenn nefnda minntir á að gefa skýrslu á þinginu.

Sigtryggur Sigurðsson, Ísak Örn Sigurðsson og Þorsteinn Berg skipaðir í nefnd til að skipuleggja spilamennsku á fimmtudögum.

Samþykkt að fara þess á leit við Danska Bridgesambandið að fá afnot af nýju tölvuforiti þeirra til skráningar. Stefaníu falið að ræða við Danina.

Einar Jónsson mætti á fundinn, en Ragnar Hermannsson boðaði forföll. Lagðar voru fram greinargerðir um Evrópumótið á Möltu, einnig greinargerð frá þjálfara unglingalandsliðsins, Ísaki Erni um Norðurlandamótið. Stjórnarmenn lásu og ræddu þessar skýrslur, áhugi var á að setja á fót landsliðsnefnd, sem mundi sjá um undirbúning og þjálfun allra landsliða. Ákveðið að fá Ragnar og Einar á fund og ræða málin betur.