15. febrúar 2005

1. Kristján forseti setti fundinn og óskaði eftir að Jóhann ritaði fundargerð.
Þessi fundur var aukafundur stjórnar og ekki lá fyrir formleg dagskrá, aðaltilgangur var að fínpússa skipulag fyrir Briddshátíð og fara yfir undirbúning og skipulag þeirrar hátíðar. Elín hefur tekið að sér að vera mótsstjóri á Briddshátíð og sjá um að skipulagið gangi upp. Hún upplýsti stjórn um hvernig hvað hefði verið gert og hvaða vanda þyrfti að leysa. Hún taldi að allt mundi ganga upp. Hún sagði frá "Landskeppni" USA /Ísland sem verður haldin í Smáralind á fimmtudag. Þessi keppni er hugsuð fyrst og fremst sem auglýsing fyrir komandi hátíð en ekki sem sjálfstæður viðburður. Skipulag og framkvæmd er í höndum Ómars Olgeirssonar.
Töluverðar umræður urðu í tengslum við þennan lið og upp komu hugmyndir um að hafa það sem fastan lið á briddshátíð að hafa lokað mót á fimmtudegi fyrir briddshátíð. Hægt væri að gera fá styrktaraðila að þeim viðburði sem gæti auðveldað sterkum spilurum að koma, eins var það nefnt að sendiráð USA hefur áhuga á að koma með einhverjum hætti að viðburði líkum landskeppninni þó ekki hafi það orðið að þessu sinni. Ýmsar aðrar hugmyndir komu upp um framtíðarskipulag á briddshátíð . Ákveðið var að taka þessa umræðu upp síðar þegar búið er að ráð nýjan framkvæmdastjóra.
Bridge base kerfið er að komast í gang og verður notað á Briddshátíð.

B.S.Í ítrekar að til standi að senda út landslið yngri spilara í báðum flokkum á Norðurlandamótið, ætlunin er að fjórir spilarar fari út í hvorum flokki.

Ákveðið er að deildarmeistarar fái verðlaunaferð fyrir sinn árangur. Rætt var um að ferðin gæti verið á National í USA.

Rætt var um mót eins og Kauphallarmótið sem var með elegans og flottheitum, spurningin er hvort hægt væri að endurvekja það fyrirkomulag og þá fá styrktaraðila að því móti.