Northern Lights Bridge Festival September 2022

Northern Lights
Bridge Festival
September 2022

Memorial tournament for
Gunnar Birgisson

Teams and pairs event with great prizes
Held from 2nd to 4th of September 2022

https://vikingbridge.is

2. september 2004

fimmtudagur, 2. september 2004

Stjórnarfundur 02. september 2004

Mættir á fundinn: Kristján B. Snorrason, Matthías Þorvaldsson, Kristján Már Gunnarsson, Erla Sigurjónsdóttir, Kristján Blöndal, Jóhann Stefánsson, Ísak Örn Sigurðsson (sat ekki allan fundinn), Stefanía Skarphéðinsdóttir og Una Árnadóttir. Guðmundur Ólafsson, Helgi Bogason og Jóhann Stefánsson voru fjarverandi.

1. Skýrsla forseta

Starfsemin hefur að venju verið í lágmarki í sumar. Þessi fundur er haldinn aðallega vegna fyrirhugaðrar deildarkeppni. Þetta er spennandi verkefni og vonandi vítamín inn í starfið.

2. Skýrsla framkvæmdastjóra

Stefanía þakkaði fyrir afmælisgjöf frá Bridgesambandinu.
Bikarkeppnin gengur sinn vanagang. Mótaskráin kemur út í næstu viku, en það á eftir að fá staðfestar dagsetningar frá nokkrum svæðum.

Rætt um Evrópumótið. Framkvæmdastjóri upplýsti að hótelmálið á Evrópumótinu hefði verið tekið fyrir á stjórnarfundi sænska bridgesambandsins og þeir höfnuðu endurkröfu.
Framkvæmdastjóra hefur borist tölvupóstur varðandi silfurstigamót sem haldið var á vegum sumarbridge. Það vantaði 3 spil til að mótið væri löglegt.
Erindinu var vísað til umsjónarmanns sumarbridge og meistarastiganefndar.

3. Deildakeppni

Kristján Blöndal lagði fram rammareglugerð fyrir deildakeppnina. Samþykkt með örfáum breytingum. Ákveðið að gjaldkeri og framkvæmdastjóri móti reglur um ferðastyrki. Laga- og keppnisreglunefnd mun útbúa reglugerð.

4. Landsliðmál

EM 2004
Lagðar fram skýrslur fyrirliða. Rætt um framkvæmd mótsins og talin ástæða til að kvarta yfir framkvæmd kvennamótsins. Konurnar spiluðu aðeins 2 leiki á dag og fengu 3 frídaga.
Það kom í ljós á mótinu, að skipun um að klæðast sérstökum fatnaði hefði ekki verið fylgt eftir og virtist ekki skipta máli. BSÍ tók þetta alvarlega og hafði töluverð fjárútlát vegna þessa.
ÓL 2004
Samkvæmt tillögu landsliðsþjálfara opna flokksins er lagt til að eftirfarandi pör fari á Ólympíumótið

Matthías Þorvaldsson - Magnús Magnússon
Aðalsteinn Jörgensen - Sverrir Ármannsson
Þriðja parið líklega Jónas P. Erlingsson - Steinar Jónsson.
Einnig var rætt um að Jónas yrði spilandi fyrirliði og það færu aðeins fimm. Lágmarkskostnaður ef farið er með 5 manna lið er kr. 1.100.000. Ákveðið að fela Kristjáni forseta og Guðmundi fyrirliða að klára málið.

Fleira ekki rætt, fundi slitið kl. 18:10