11. nóvember 2003

þriðjudagur, 11. nóvember 2003

Stjórnarfundur BSÍ 11. nóvember 2003

Mættir á fundinn: Kristján B. Snorrason, Matthías Þorvaldsson, Kristján Már Gunnarsson, Erla Sigurjónsdóttir, Ísak Örn Sigurðsson, Kristján Blöndal, Guðmundur Ólafsson, Una Árnadóttir, Jóhann Stefánsson, Helgi Bogason og Stefanía Skarphéðinsdóttir.

1. Verklagsfyrirkomulag stjórnar

Kristján B. Snorrason, forseti BSÍ, byrjaði fundinn á því að minnast Þórðar Sigfússonar sem lést í vikunni.
Kristján B. Snorrason: Landsliðsmál, Félög eldri borgara og fjáröflun.
Kristján Már : Félagakerfið og fjáröflun.
Matthías: Fræðslumál, heimasíða, textavarp, fjölmiðlar og netpanel
Það verður svo hlutverk hvers og eins að kalla eftir þeim aðilum innan stjórnar sem nýtast best til viðkomandi verkefna.
Kristján ítrekaði við fundarmenn að ef þeir hefðu sérstakan áhuga á einhverjum málaflokki sem þeir vilja fylgja eftir þá væri sjálfsagt að skoða það.

2. Skýrsla framkvæmdastjóra

Yokohamamótinu er lokið með sigri Bjarna og Þrastar. Nú liggur fyrir að skipuleggja ferðina fyrir sveitina til Japan.
Landstvímenningur verður haldinn föstudaginn 14. nóvember n.k. og er útlit fyrir að hann verði spilaður í Reykjavík, Akureyri, Þingeyri, Fjarðarbyggð og kannski Grundarfirði og Hornafirði. Það er rík hefð hjá okkur að spila hann á föstudegi, en það gerir ekkert annað félag í Evrópu. Það er spurning um að breyta spiladeginum til að gera þetta skemmtilegra og fá stóran samanburð. Ákveðið var að setja málið í mótanefnd.
Byrjendur spila á sunnudögum, en það hefur verið heldur fámennt. Í fyrra var óreyndum spilururm og nemendum Bridsskólans boðið í Jólastórfiskaleik með hjálp BR. Samþykkt að endurtaka það 30. nóvember n.k. þegar námskeiðum er lokið hjá Bridgeskólanum og ætlar Stefanía að kynna það fyrir nemendum skólans.

3. Landsliðsmál

Opinn flokkur:
Guðmundur Páll er ráðinn landsliðseinvaldur til 1. ágúst 2004 og mun sjá um að þjálfa fyrir Evrópumótið í Malmö.
Kvennaflokkur:
Framkvæmdaráðið leggur til að Kristjáni Blöndal verði falið að kanna með undirbúningsvinnu hvernig best verði staðið að landsliðsmálum kvenna. Forsetinn óskar eftir skriflegum tillögum frá honum á næsta stjórnarfundi.
Yngri spilarar:
Stefanía ætlar að athuga vaxtabrodd yngri spilar m.t.t. til landsliðs.

4. Drög að fjárhagsáætlun

Stefanía lagði fram drög að fjárhagsáætlun sem farið var yfir og einstaka liðir ræddir.

Umræða um að finna leiðir til þess að ná inn tekjum og minnka kostnað. Stefanía benti m.a. á að húsnæðið er ekki notað yfir daginn og þar væri kannski okkar besta tækifæri til að auka tekjurnar.

5. Salarleiga: Breytingar á gjaldskrá

Stefanía lagði fram eftirfarandi gjaldskrá:

Fermingaveislur 28.000
" félagsmenn 25.000
Laugardagskvöld 33.000
" félagsmenn 30.000
" e.kl. 01:00 + 10.000
Samkvæmi m. bridgemóti
dagur til kl. 20:00 20.000

Kristján Már lagði til að gjaldskráin yrði tengd vísitölu vöru og þjónustu svo að ekki þyrfti að bera þær sérstaklega undir stjórn. Gjaldskráin var samþykkt og einnig tillaga Kristjáns Más.

6. Skipun 2 manna í laga- og keppnisreglunefnd

Jón Baldursson og Björgvin Már voru skipaðir í nefndina.

7. Bréf og önnur erindi sem borist hafa

a) Textavarpið:
Ekkert til fyrirstöðu að fjölga síðum textavarpsins og enn minna mál að fjölga undirsíðum. Eins og staðan er í dag er aðeins hægt að setja inn á textavarpið á skrifstofu BSÍ. Breyting verður á því á næstunni og þá verður hægt að skrá sig inn með lykilorði hvar sem er og setja inn á textavarpið.
Kristján, forseti, lagði til að Matthías og Stefanía gangi frá fjölgun síðna.
b) Heimasíðan:
Helgi Bogason ætlar að skoða málið og kemur með tillögur fyrir næsta stjórnarfund.
c) Félagakerfið:
Guðmundur Ólafsson og Kristján Már skoða málið og koma með tillögur fyrir næsta stjórnarfund.
d) Útboð fyrir veitingareksturinn:
Stefanía kemur með tillögur varðandi málið á næsta stjórnarfund.

Kristján B. Snorrason, forseti, ítrekaði við fundarmenn í lokin að við þurfum að nýta krafta okkar til að efla starfið hjá bridgefélögum víðs vegar á landinu. Einnig þarf stjórnin að fylgja vel eftir stefnumörkun og þá sérstaklega fræðsluátakinu. Endatakmarkið er "öflugra bridgelíf" í landinu. "Við þurfum að brýna vopnin og ekki láta okkar eftir liggja til að ná takmarkinu" sagði forseti.

Fleira ekki rætt, fundi slitið kl. 18:45



Reykjavík Bridge Festival

Frítt fyrir börn og ungmenni Öll börn og ungmenni 20 ára og yngri fá frítt í bridge í vetur
Sjá nánar