Northern Lights Bridge Festival September 2022

Northern Lights
Bridge Festival
September 2022

Memorial tournament for
Gunnar Birgisson

Teams and pairs event with great prizes
Held from 2nd to 4th of September 2022

https://vikingbridge.is

21. maí 2003

miðvikudagur, 21. maí 2003

Mættir á fundinn: Jón Sigurbjörnsson, Anton Haraldsson, Erla Sigurjónsdóttir, Kristján Már Gunnarsson, Stefanía Skarphéðinsdóttir, Elín Jóhannsdóttir, Ísak Örn Sigurðsson, Matthías Þorvaldsson.

1. Skýrsla framkvæmdarstjóra

Stefanía sagði úttekt á húsnæði BSÍ lokið og hefði komið fram athugasemd vegna handriðs á neyðarútgangi sem væri 10 cm of lágt. Verið er að kanna hver ber kostnað vegna lagfæringar.
Undirbúningur vegna Kjördæmamóts gengur vel.
Þegar eru komnar 27 skráningar í Bikarkeppnina.

2. Fjármál

a) Rekstrarstaðan
Farið var yfir fjármálastöðuna fyrir árið 2002-2003, en gróft milliuppgjör liggur fyrir. Reksturinn er u.þ.b. á áætlun.
b) Rekstraráætlun 2003-2004
Drög að fjárhagsáætlun vegna 2003-2004 hefur verið gerð og er hún að mestu leyti byggð á tölum frá núverandi rekstrarári. Í nýju áætluninni er gert ráð fyrir 1,9 milljón króna rekstrarafgangi. Sú upphæð dugar fyrir afborgunum lána og vaxtagjöldum, sem sagt allt í járnum.
Stefanía benti á að ófrágengin væri krafa vegna göngugötu í Þönglabakka og að einnig mætti búast við að fara þyrfti í einhverjar lagfæringar utandyra í Síðumúlanum.
Það urðu mjög fjörlegar umræður um áætlunina og kom t.d. fram að ekki væri gert ráð fyrir að senda kvennalandslið á EM árið 2004, að fyrst þyrfti að byggja upp frambærilegt lið áður en að hægt væri að senda það erlendis í keppni og væri þar ekki bjart framundan. Eins kom fram í umræðunni að æskilegt væri að til væru peningar til að mæta óvæntum útgjöldum. Fram kom fyrirspurn um kostnað vegna félagakerfisins. Ákveðið að Anton, Ólafur Steinason og Sveinn Rúnar geri bæði faglegt og fjárhagslegt mat á kerfinu.

3. Mótahald 2003-2004

Laga- og keppnisreglunefnd voru þökkuð mjög góð störf vegna tillagna um breytingar á Íslandsmótum í sveitakeppni og tvímenningi.
Samþykkt var að leggja fyrir næsta BSÍ þing meðfylgjandi tillögur, en það eru þær sem lagðar voru fram dags. 14. maí 2003 og sendar voru til stjórnarmanna í tölvupósti.
Þó var fellt út að undankeppnina í tvímenning ættu allir að spila sama dag
Þetta var samþykkt af öllum fundarmönnum nema Antoni sem sat hjá við atkvæðagreiðsluna.
Álit kom frá mótanefnd sem byggt var á niðurstöðum skoðanakönnunar vegna staðsetningar á undankeppni Íslandsmóts í sveitakeppni. Þar kom fram að mótanefnd telur að spila megi undanúrslitin til skiptis á höfuðborgarsvæðinu og í einhverjum þéttbýliskjarna í nágrenni höfuðborgarsvæðisins.
Samþykkt var að reyna að spila næstu undankeppni í Reykjavík og var Stefaníu falið að finna hentugt húsnæði. Einnig kom fram í þessari álitsgerð að gott væri að spilarar væru merktir barmmerkjum og að hálfleikstölur verði birtar.
Tímasetning úrslita sveitakeppninnar var líka rædd og var ákveðið að halda áfram að spila úrslitin um páska. En ef ofangreindar tillögur verða samþykktar verður mótið búið hjá flestum á föstudagskvöldi.
Síðan var rætt um hvort ekki þyrfti að leita einhverra leiða til að gera úrslitin áhugaverðari fyrir áhorfendur og fjölmiðla og hvort í því sambandi væri jafnvel hægt að koma upp hliðarmóti.
Anton skýrði frá því að á komandi starfsári yrði Bridgefélag Akureyrar 60 ára og að tilvalið væri af því tilefni að halda afmælismót í tengslum við það eða flytja eitthvað annað mót til Akureyrar af þessu tilefni. Þessu var vísað til mótanefndar.
Þá var ákveðið, að í samráði við Guðmund Pál yrði væntanlegu Kauphallarmóti breytt í mót á vegum BSÍ og gerð athugasemd vegna þess að það vantaði framhaldskólamót inn í mótaskrána. Mótaskráin var því næst samþykkt með þeim fyrirvara að mótanefnd mundi athuga með Kauphallarmótið við Guðmund Pál, afmælismót Akureyrar við Bridgefélag Akureyrar og finna dagsetningar fyrir framhaldsskólamót og athuga með Firmakeppni.

4. Keppnisgjöld 2003 - 4

Íslandsmót í sveitakeppni:
Samþykkt samhljóða að hækka gjöldin í kr. 28.000/sveit í undanúrslitum.
Óbreytt kr. 10.000 í úrslitum.
Íslandsmót í tvímenningi:
Samþykkt samhljóða kr. 7.000/par í undanúrslitum og kr. 3.000/par í úrslitum.

5. Önnur mál

Jón bað um heimild til þess að semja við Ljósbrá Baldursdóttur um áframhaldandi störf fræðslufulltrúa á næsta starfsári og var það samþykkt samhljóða.
Rætt var um hvort hægt væri að bæta spjallrásina á www.bridge.is og síðan hvað hægt væri til bragðs að taka vegna minnkandi umfjöllunar um bridge í fjölmiðlum. Í samantekt frá Matthíasi kom fram að umfjöllun um bridge í fjölmiðlum hefði farið mjög halloka í samanburði við skák á undanförnum árum. Þarna væri úrbóta þörf og væri það verkefni sem þyrfti að taka á strax á næsta starfsári.

Fleira ekki rætt. Fundi slitið kl. 19:15.