Northern Lights Bridge Festival September 2022

Northern Lights
Bridge Festival
September 2022

Memorial tournament for
Gunnar Birgisson

Teams and pairs event with great prizes
Held from 2nd to 4th of September 2022

https://vikingbridge.is

9. október 2002

miðvikudagur, 9. október 2002

Stjórnarfundur 09. október 2002

Mættir á fundinn: Guðmundur Ágústsson, Ólafur Steinason, Erla Sigurjónsdóttir, Ísak Örn Sigurðsson, Birkir Jónsson, Sigtryggur Sigurðsson, Elín Jóhannsdóttir, Kristján Örn Kristjánsson, Matthías Þorvaldsson og Stefanía Skarphéðinsdóttir.

1. Skýrsla framkvæmdastjóra og forseta.

Danska Félagakerfið er loks að komast í gagnið og verið að lagfæra agnúa. Stefnt að því að sýna kerfið á ársþinginu, enda verði það þá tilbúið til dreifingar. Kostnaður við Félagakerfið er nú kr. 1.300.000 en var áætlaður um kr. 1.000.000 . Óviðunandi að kerfið sé ekki enn komið í gagnið, en búið að sprengja kostnaðaráætlun.

Guðmundur upplýsti að í fjárlagafrumvarpi fyrir næsta ár væri aðeins gert ráð fyrir kr. 3.000.000 til BSÍ, þessi upphæð veldur miklum vonbrigðum og allt verður gert til að fá leiðréttingu.

2. Fræðslunefnd.

Matthías gaf skýrslu um störf nefndarinnar, sem í sátu auk hans Sigtryggur Jónsson og Anton Haraldsson. Niðurstaða úttektar á stöðu fræðslu-, kynningar- og útbreiðslumálum er sú að ekkert skipulagt starf sé í gangi og nauðsynlegt sé að ráða sérstakan starfsmann til að sinna þessum málum. Lögð fram drög að SVÓT-greiningu.
Guðmundur sagði að enn vantanði skýra markmiðasetningu hjá BSÍ og að gera sér grein fyrir hvernig ætti að nálgast þessi markmið.
Birkir sagði það hafa verið eitt af markmiðum núverandi stjórnar að vinna að fræðslumálunum, en því hafi ekki verið vel sinnt af þessari stjórn.
Eftir umræður um úttektina voru allir sammála um mikilvægi þess að geta ráðið starfsmann til að sinna fræðslumálunum sérstaklega.

3. Ársþing.

Undirbúningur í fullum gangi. Stjórnin þakkar fráfarandi forseta góð verk, en Guðmundur gefur ekki kost á sér áfram. Ólafur Steinason hefur einnig ákveðið að gefa ekki kost á sér til áframhaldandi stjórnarsetu og eru honum færðar þakkir fyrir gott starf á liðnum árum.
Ólafur og Guðmundur þökkuðu stjórnarmönnum samstarfið og óskuðu þeim velfarnaður.

Fleira ekki rætt, fundi slitið kl. 19.05