Selfyssingarnir Kristján Már Gunnarsson og Helgi Grétar Helgason unnu sigur á Minningarmóti Harðar en Helgi Jónsson og Helgi Sigurðsson höfnuðu í öðru sæti.

Þátttaka á jólamóti Bridgefélags Hafnarfjarðar og Sparisjóðs Hafnarfjarðar var með besta móti. Alls mættu 71 par, sem er fjölgun um 5 pör frá fyrra ári.

Úrslit og spil

Hið árlega Íslandsbankamót í tvímenningi á vegum Bridgefélags Akureyrar verður haldið á Hótel KEA föstudaginn 30.desember kl. 17:30.

Jólatvennu B.A. lauk þriðjudaginn 20.desember en þar var spilað um hangikjöt og magál frá Norðlenska.

Minningarmót Harðar Þórðarsonar verður spilað í húsnæði Bridgesambands Íslands föstudaginn 30. desember. Keppnisgjald er 5.000 á parið.

Jólahangikjötstvímenningur í boði Norðlenska

Hraðsveitakeppni Sparisjóðs Norðlendinga hjá BA lokið

Minningarmót Gísla Torfasonar var haldið um helgina með þátttöku 43 para. Vegleg peningaverðlaun fyrir 5 efstu sætin og glæsileg aukaverðlaun. Ómar Olgeirsson og Páll Þórsson sigruðu eftir harða baráttu við gamalreynda tvímenningsjaxla. Úrslit úr mótinu og spilin má sjá hér

Íslandsmótið í parasveitakeppni er nú í gangi að Síðumúla 37, í húsnæði Bridgesambandsins. Nánari upplýsingar má finna undir síðunni Mót, eða með því að smella hér: Íslandsmót í Parasveitakeppni 2005.

Myndir úr mótinu

Esther Jakobsdóttir og Anna Þóra Jónsdóttir urðu í dag Íslandsmeistarar í tvímenningi kvenna.

Öll spil og lokastöðuna má finna undir síðunni Mót, eða með því að smella á Íslandsmót kvenna í tvímennin 2005

Myndir úr mótinu

29 pör tóku þátt í afmælismóti Bridgefélags Hafnarfjarðar í dag.
Ragnar Magnússon og Páll Valdimarsson sigruðu nokkuð örugglega, Jón Guðmar Jónsson og Sigurjón Helgason höfnuðu í öðru sæti og heimamennirnir og mótshaldararnir, Hafþór Kristjánsson og Guðni Ingvarsson, náðu þriðja sætinu með góðum endaspretti.

Sveit Ferðaskrifstofu Vesturlands vann 1. deild Deildakeppninnar með 253 stigum, 2 stigum á undan sveit Eykt. Þessar 2 sveitir skáru sig nokkuð frá hinum og var keppnin jöfn og spennandi fram í síðustu umferð. Sveit Garða og véla vann 2. deildina og sveitin Úlfurinn vann 3. deild.
Öll úrslit, lokastöðu og butler má sjá:

DEILDAKEPPNIN 2005

Í fyrsta leik á sunnudeginum eigast við 2 efstu sveitir í 1. deild. Sveitir Eyktar og Ferðaskrifstofu Vesturlands. Þær eru með nokkuð forskot á 3ja sætið og má reikna með að sigurvegarinn úr þessari viðureign verði með góða stöðu til að verða Deildameistari 2005.

Staða og úrslit í öllum deildum

Íslandsmóti (h)eldri og yngri spilara lauk með góðum sigri þeirra Sigtryggs Sigurðssonan og Hrólfs Hjaltasonar.

Íslandsmót (h)eldri og yngri spilara í tvímenning verður haldið helgina 29.-30. október næstkomandi í húsnæði Bridgesambands Íslands að Síðumúla 37, 3. hæð. Mótið fer fram 29. - 30. október.

Sveit Eyktar trónir á toppnum í 1. deild með 135 stig að lokinni fyrstu helgi.  Sveit Garða og véla er með flest stig allra sveita og hefur góða forystu í 2. deild. Sveit Straums er efst í 3. deild en þar er staðan mjög jöfn og mikil barátta framundan.

Staða og úrslit í Deildakeppninni

Búið er að draga í töfluröð og umferðarröð í fyrri helgi í Deildakeppninni 2005.

Skoða upplýsingar um Deildakeppnina

Guðmundur Baldursson var kosinn forseti Bridgesambandsins á ársþingi 16. október. Aðrir í stjórn eru Kristján Blöndal varaforseti, Halldóra Magnúsdóttir gjaldkeri, Hranfhildur Skúladóttir ritari og Helgi Bogason, Ómar Olgeirsson og Páll Þórsson meðstjórnendur. Í varastjórn eru Frímann Stéfánsson, Svala Pálsdóttir og Sveinn Rúnar Eiríksson.

Deildakeppnin í bridge fer fram á tveimur helgum, 22.-23. október og 5.-6. nóvember í húsnæði Bridgesambands Íslands að Síðumúla 37.

Kristinn Þórisson stóð uppi sem Íslandsmeistari í einmenning 2005 eftir jafna og harða baráttu. Næstu menn voru Guðmundur Skúlason og Haraldur Ingason.

íslandsmót í einmenning 2005

Íslandsmótið í einmenningi verður haldið föstudaginn 14. og laugardaginn 15. október. Skráning á bridge@bridge.is

Mótið hefst kl. 19:00 á föstudeginum og kl. 11:00 á laugardeginum, áætluð mótslok eru um kl. 20:00. Keppnisgjaldið er það sama og í fyrra, 3.500 krónur á spilara. Verð fyrir yngri spilara (25 ára og yngri) er 2.000 krónur.

Sænskur bridgeklúbbur í Uppsala hefur boðið íslenskri sveit að taka þátt í sterku árlegu sveitakeppnismóti sem haldið verður dagana 3.-4. desember nk. Mótshaldarar bjóðast til að útvega sveitinni hótelherbergi fyrir fjóra, henni að kostnaðarlausu. 

Nýr framkvæmdastjóri hefur verið ráðinn til Bridgesambands Íslands, Ísak Örn Sigurðsson sem hóf störf 3. október.

Sveit Eyktar vann sveit Grant Thornton í úrslitaleik Bikarkeppninnar með 125 impum gegn 91.  Í undanúrslitum vann Eykt sveit Ferðaskrifstofu Vesturlands og sveit Grant Thornton vann sveit Hermanns Friðrikssonar.