Beint á leiđarkerfi vefsins
Merki Bridgesambands Íslands - Fara á forsíđu

Félög

6.11.2019

Rangćingar -- Tvöfaldur sigur

Sl. þriðjudag var komið að fyrsta ölkvöldi vetrarins.  Leikinn var barómeter með þátttöku 11 para.

Á ölkvöldi verða allir sigurvegarar, þó einstaka par verði ögn meiri sigurvegarar en aðrir.   

Athygi vakti tvöfaldur sigur feðganna í Neðra-Dal, sem unnu bæði heiðursflokkinn og unglingaflokkinn.  3 bjórar á mann að launum.    "Hann stóð sig vel kallinn og tryggði okkur verðlaunaféð" sagði Hjalti.   "Var þó tvísýnt um tíma".  Í fyrstu setunni unnu þeir nefnilega sigurvegara kvöldins og virtust þá stefna eitthvað allt annað en í heiðurssætið.

Sú nýbreytni var tekin upp við útdeilingu verðlaunafjár, og verður framvegis, að hitti par á slétt 50% skor eftir kvöldið, fær parið 4 bjóra á mann.  Ekkert par hitti á það, svo potturinn dreifðist á önnur verðlaun.

Tottenhamsætið (efstir á síðu tvö með hæsta skor undir meðalskor) féll í hlut Selfyssinganna Sigurðar Reynis og Garðars, 49,5% skor.  Tveir bjórar á mann og hefur margur farið bæjarleið fyrir minna. 

Flokk Suðurlandsmeistara vann nýkjörinn Suðurlandsmeistari, Björn Dúason, sem hafði með sér frænda sinn og skólabróður úr Biblíuskólanum, Pétur Hartmannsson.   Þeir kepptu einir í þessum flokki, 51,0% skor og engin aukaverðlaun, bara einn bjór á mann.

Öldungaflokkinn unnu Elli og Kalli örugglega, enda Kalli sá eini sem nær lágmörkum í þennan flokk.  51,0% Suðurlandsmeistaraskor og tveir bjórar á mann.

Ţað er kalt á toppnum.   Það staðfesta Svavararnir sem sátu á efsta borði allt kvöldið en urðu á endanum að gera sér fjórða sætið að góðu með 53,1% skor.

Presturinn heldur meðhjálparanum uppteknum og hleypir honum ekki vestur.   Þeir tóku 2. sætið með 55,4% skor, sjónarmun á undan Bergþórshvolsbaróninum og Hlíðarendakempunni sem náðu 54,7% skori.

Sigurvegarar urðu hetjur gítarhljómanna, Kalli og Sigurður, 63,8% skor.

Úrslit og spil má sjá hér


Viđburđadagatal


Hverjir spila í dag

Skoða alla daga

Bridgefélag Reykjavíkur.   Síðumúla 37.  Byrjar kl 19:00
Bf. Akureyrar, Skipagata 14, 4.hæð kl. 19:00
Bridgefélag Rangæinga, Heimalandi, kl. 19:30
Bf. Hrunamanna, Flúðir kl. 19:30


Olís

Slóđ:

Félög

Myndir


Auglýsing