Beint á leiđarkerfi vefsins
Merki Bridgesambands Íslands - Fara á forsíđu

Félög

28.1.2016

Blakey og Blakey frá Manchester efst í Miđvikudagsklúbbnúm

Hjón frá Manchester í Englandi komu sáu og sigruðu í Miðvikudagsklúbbnum í gærkvöldi. Öll úrslit hér.

22.1.2016

Bridgefélag Selfoss

Kristján og Guðmundur halda efstasætinu í janúarbutler félagsins, þó að sótt sé að þeim úr öllum áttum. Lokið er tveimur spilakvöldum af þremur. Ekki verður spilað næstkomandi fimmtudag vegna briddshátíðar. Mótinu lýkur því fimmtudaginn 4. febrúar.

Spil og staða.

Heildarstaðan.

22.1.2016

Landsliđskeppni kvenna: Heildarstađa komin í lag.

Undanfarna daga hef ég leiðrétt nokkur spil sem báðir aðilar voru sammála um að hefðu verið rangt skráð í borðtölvurnar. Tók til baka breytingar sem ég hafði gert en láðist að fá samþykki beggja. Þar sem sumar leiðréttingar voru komnar fram á netinu en ekki aðrar myndaðist einhver skekkja í heildarútreikningnum en hann er nú kominn í lag eins og sjá má á excelskjali sem ég setti upp.

+/- skorið úr hverri session kemur út sem +72 á netinu en 0 í excelskjalinu. Það er vegna þess að þau þrjú pör sem sitja yfir í hverri session fá +24 = 72 og yfirsetan (nr, 4) fær -72 í excelnum en er ekki talin með í mótinu sjálfu og á netinu. Kveðja. Þórður

21.1.2016

Hjálmar og Friđjón unnu Janúar-Monrad BK

Ţriggja kvölda Janúar-Monrad tvímenningi Bridgefélags Kópavogs lauk í kvöld með sigri Friðjóns Þórhallssonar og Hjálmars Pálssonar. Öll úrslit hér.

21.1.2016

Suđurnesjasvefla farin af stađ

Við á Suðurnesjum erum byrjuð aftur eftir jólafrí og eru tvö kvöld búin og hefur verið spilaður butler tvímenningur.

Hér má sjá úrslit

Svo eftir bridgehátíð förum við af stað með aðaltvímenning og svo í kjölfarið sveitakeppni.

20.1.2016

Patton sveitakeppni BR og Hereford- stađan eftir 3 kvöld af 4

JE Skjanni heldur forystunni þegar eitt kvöld er eftir í Patton sveitakeppni BR en staða efstu sveita er þannig:
Athugið að síðasta kvöldið í þessu móti verður spilað þriðjudaginn eftir Bridgehátíð en ekki verður spilað í BR í næstu viku.

1. 239,69 JE Skjanni
2. 229,95 Don Julio
3. 215,21 Vestri
Stöðu í bötler má sjá hér
Nánar á heimasíðu BR

17.1.2016

Reykjanesmótiđ ísveitakeppni 20-21 febrúar.

Reykjanesmótið í sveitakeppni fer fram helgina 20-21 febrúar að Flatahrauni 3 í Hafnarfirði. Nánar síðar.

17.1.2016

Tryggingamiđstöđin Selfossi er Suđurlandsmeistari

Suðurlandsmótið í sveitakeppni fór fram nú um helgina. Öll úrslit hér.

17.1.2016

Reykjavíkurmótiđ í sveitakeppni 15.-17. janúar

Reykjavíkurmótið í sveitakeppni verður haldið helgina 15.-17. janúar.
Hægt að skrá sig á br@bridge.is og á skráningarlistum í Síðumúla. Skráningarfrestur til kl. 12 á föstudag.
Mótið hefst kl. 18 föstudaginn 15. janúar. Nánari tímatafla birtist þegar skráning liggur fyrir.
Keppnisgjald kr. 30.000.
Kvóti Reykjavíkur fyrir undanúrslit Íslandsmóts er 11 sveitir.
Skráningarlisti - F5 til að sjá uppfærðan lista

Sjá nánari upplýsingar á heimasíðu mótsins

14.1.2016

Bridgefélag Selfoss

Ţriggjakvölda butlertvímenningur hófst á félaginu á fimmtudag. Kristján og Guðmundur eru efstir og aðrir með minna. Mótinu verður framhaldið næstkomandi fimmtudag.

Spil og staða

Spilin úr HSK mótinu

 

13.1.2016

Ţriggja kvölda Monrad-tvímenningur heldur áfram í Kópavogi

Annað kvöldið af þremur í Janúar-Monrad Bridgefélags Hafnarfjarðar heldur áfram annað kvöld. Ný pör geta komið inn en geta þó ekki unnið til verðlauna.

8.1.2016

Ólafur og Gunnar Björn HSK meistarar í tvímenning

HSK mótið í tvímenning var haldið fimmtudaginn 7. janúar sl. í Selinu á Selfossi. Mjög góð þátttaka var í mótinu eða 20 pör, en það þýddi að það var fullt hús. Spilað var um silfurstig auk þess sem mótið taldi til stiga í stigakeppni HSK árið 2016. Þá var einnig veittur í fyrsta skiptið nýr farandbikar í mótinu, en gefandi bikarsins var Vélaverkstæði Þóris á Selfossi, og færir briddsnefnd HSK honum bestu þakkir fyrir.

Sigurvegarar urðu Ólafur Steinason og Gunnar Björn Helgason með 59,7% skor. Þeir spiluðu fyrir Ungmennafélag Selfoss. Í öðru sæti urðu Kristján Már Gunnarsson og Gunnlaugur Sævarsson með 58,6% skor. Þeir spiluðu einnig fyrir Ungmennafélag Selfoss. Í þriðja sæti urðu Viðar Gunngeirsson og Pétur Skarphéðinsson. Þeir spiluðu fyrir Golfklúbbinn Flúði.

Lokastöðuna má sjá á þessari síðu. Nú hefur verið bætt úr því að á síðunni sjást öll spil mótsins.

Næsta mót hjá Bridgefélagi Selfoss er þriggja kvölda butlertvímenningur sem hefst fimmtudaginn 14. janúar. Skráning á ţessari síðu. Þá má minna á Suðurlandsmótið í sveitakeppni sem verður spilað á Heimalandi helgina 16. - 17. janúar nk. Skráning á ţessari siðu.

7.1.2016

Hallgrímur og Sigmundur efstir í Kópavogi

Fyrsta kvöldið af þremur í Janúarmonrad Bridgefélags Kópavogs var spilað í kvöld. Hallgrímur Hallgrímsson og Sigmundur Stefánsson urðu efstir með 63,4%.  Sjá öll úrslit hér.

7.1.2016

Ţriggja kvölda Monrad-tvímenningur ađ hefjast í Kópavogi

Fimmtudagana 07, 14 og 21 janúar verður spilaður 3ja kvölda Monrad-tvímenningur hjá Bridgefélagi Kópavogs. Um er að ræða þrjú stök kvöld en spila þarf öll kvöldin til að eiga möguleika á verðlaunum.

Hefst næsta fimmtudag kl. 19:00

7.1.2016

HSK mótiđ í tvímenning 2016

Hið árlega HSK mót í tvímenning verður haldið hjá Bridgefélagi Selfoss fimmtudaginn 7. janúar nk. Athugið að spilamennska hefst kl. 18:00 og spilað er í Selinu á íþróttarvallarsvæðinu. Spiluð verða 44 spil og er mótið silfurstigamót. Þeir spilarar sem eru skráðir í ungmennafélög á svæði HSK á Suðurlandi spila til verðlauna í HSK mótinu, en aðrir spila um silfurstigin. Skráningu á mótið er lokið núna þegar þetta er skrifað (7. jan. kl. 10:00) þar sem húspláss leyfir ekki fleiri pör í mótinu. Skráð pör má sjá á þessari síðu: http://bokun.netberg.is/bridgeselfoss/?motshow=100

6.1.2016

Spilakvöld nýliđa hefjast aftur 14. janúar

Spilakvöld nýliða hefjast að nýju eftir jólafrí fimmtudaginn 14. janúar. Hægt er að mæta með makker eða þá stakur/stök og Ómar spilastjóri spilar sjálfur eða reddar makker.
Gott að mæta með kerfisblöð en annars hægt að prenta þau út og tilvalið að spyrja ráða.
Spilagjald 1000 kr. Kaffi innifalið. Frítt fyrir 25 ára og yngri.
Ný stigakeppni fer í gang og verðlaun veitt í vor.

6.1.2016

Patton sveitakeppni BR og Hereford- stađan eftir 1 kvöld af 4

13 sveitir taka þátt í fjögurra kvölda Hereford patton-sveitakeppni hjá Bridgefélagi Reykjavíkur. Fyrirkomulagið er þannig að spilaðir eru 3x10 spila leikir. Leikurinn er gerður upp bæði í impum og gefin stig eins og í venjulegri sveitakeppni (20-0 skali). Einnig er leikurinn reiknaður sem board-a-match, 2 stig fyrir sigur í spili, 1 fyrir sömu tölu og 0 fyrir tap(annar 20-0 skali). Stigin eru lögð saman og þannig hægt að vinna hvern leik mest 40-0. Þetta er í raun sveitakeppni með tvímenningsívafi.
Efstu sveitir eftir fyrsta kvöld af fjórum:
1. 87,47 Vestri
2. 77,15 Kristján B. Snorrason
3. 76,18 Don Julio

Nánar á bridge.is/br - ath. að bötler aðeins skakkur en laga þarf yfirsetutölur...

4.1.2016

Patton sveitakeppni í BR ađ hefjast 5. janúar

Fjögurra kvölda Patton sveitakeppni að byrja í BR á morgun, 5. janúar! Rúnar Einarsson getur aðstoðað við myndun sveita, síminn hjá honum 820-4595. Ágætt að mæta tímanlega og/eða skrá sveit fyrirfram á br@bridge.is.

Eflaust þekkja ekki allir fyrirkomulagið en þetta hefur aðallega verið spilað á Blönduósi og svo eitthvað í útlöndum :) Þetta er sambland af venjulegri sveitakeppni og board a match. Gerum ráð fyrir 10 spila leikjum(fer þó eftir þátttöku).
1- Leikur gerður upp í impum og fundin út vinningsstig (20-0 skali)
2- Board a match stig fundin út, 2 sigur í spili, 1 ef spil fellur, 0 ef tap. Þetta er í raun annar 20-0 skali fyrir 10 spila leik.
3- Vinningsstig og board a match stig lögð saman. Mest hægt að vinna hvern leik 40-0.

4.1.2016

BH lokakvöld sveitakeppninnar spilađ í kvöld.

Spilamennska hefst á nýju ári í kvöld. Lokakvöld sveitakeppninnar, sem frestað var vegna veðurs verður spilað í kvöld og hefst klukkan 19:00 að venju.

 Gleðilegt ár,

 Stjórnin


Viđburđadagatal


Hverjir spila í dag

Bf. Kópavogs Spilamennska hefst kl. 19:00 ,Spilað er í Gjabakka, Fannborg 8. 1.hæð
Bf. Selfoss kl. 19:30 - Selið, Íþróttavallarsvæði
Bf. Akraness  kl. 19:30 - Kirkjubraut 40

Skoða alla daga


Olís

Slóđ:

Félög

Myndir


Auglýsing